افغانستان شمال شرقی‌ده جایلشگن تخار ولایتی نینگ ورسج ولسوال‌لیگی وغنان قیشلاغی‌ده اون اوچ قار کوچگیسی یوز بیرگن. ایتیلیشیچه، 100 عایله اوشبو قار کوچگیسی آستی‌ده قالگن.
تخار ولایت والیسی نینگ سوزلاووچی‌سی سنت الله تیمور، قار آستی‌ده قالگن‌لرنینگ تقدیری باره‌سی‌ده هنوز انیق معلومات قولده بولمه‌گن لیگی‌نی ایتگن. اما، دستلبکی معلوماتلرگه قره‌گنده مذکور قیشلاق نینگ 9 یشاووچی‌سی قارت آستی‌ده جان بیرگن. شونینگ دیک واقعه‌ده یوزلب قاره مال نابود بولگنی ایتیله‌دی.
تیمور، باشقه قار کوچگیسی یوز بیریشی ممکن لیگی‌نی تیلگه آلگن. اونگه کوره، قوتقرو گروه تیزلیک‌ده اوشبو منطقه باریش‌گه موفق بوله آلمیدی. سوزچی، یاردم بیرووچی بیر گروه محل‌گه یوباریلگن لیگی‌نی بیلدیرگن. ولسوال‌لیک نینگ عمومی ترانسپورت یول‌لری یاپیلگن لیگی باعث یاردم گروهی تیزلیک‌ده منطقه‌گه ییتیب باریشی ممکن ایمس لیگی ایتیله‌دی.
شونینگ دیک تخار ولایت والیسی نینگ سوزلاووچی‌سی، هنوز هم ورسج ده قار یاغه‌دی. جبر کورگن‌لرگه هوادن یاردم ییتکزیب بیریش هم ممکن ایمس.
عین حالده، تخار امنیه قوماندانلیگی نینگ سوزلاووچی‌سی خلیل اسیر، ورسج نینگ قطار قیشلاق‌لری‌ده قار کوچگیسی یوز بیرگن، مذکور قیشلاق‌لرده قار آستی‌ده قالگن‌لرنینگ تقدیری حقیده هیچ قنده‌ی معلومات بولمه گنلیگی‌نی ایتگن.
ورسج نینگ اینگ اوزاق حدودیده جایلشگن وغنان پنجشیر نینگ پریان ولسوالیگی بیلن قوشمه چیگره گه ایگه.
سونگی بیر نیچه وقت ایچی‌ده مملکت بویلب قَلین قار یاغیش عاقبتی‌ده اولکن جانی تلفات روی بیریشی‌گه سبب بولدی. مذکور قار کوچگیسی نتیجهسیده پنجشیر ولایتی نینگ 200 گه یقین یشاوچی‌سی حیاتدن کوز یومگن ایدی.
باشقه بیر خبرگه، پنجشیر ولایت امنیه قوماندانلیگی نینگ خوفسیزلیک آمری محمد نجیم رضایی‌گه اساسله‌نیب یازیلشیجه، بوگون هم آبشار ولسوال‌لیگی آستانهء کلان قیشلاغی‌ده بیر جسد قار آستی‌دن چیقاریلگن.
رضایی نینگ سلام وطندارگه ایتیشیچه، بو ولایت‌ده طبیعی حادثه ده هلاک بولگن‌لرنینگ سانی 196 ته‌گه ییتگن. یره‌لنگن‌لر سانی 101 کیشی بولگن. شونینگ دیک رضایی، خنج، پریان، دره و آبشار تومن‌لری‌ده 2000 یشش اوی نابود بولگن دیگن.
عین حالده، حکومت نینگ اجراییه باشلیغی عبدالله عبدالله بوگون وزیرلر کینگشی ییغینی‌ده، قار آستی‌ده قالیب هلاک بولگن‌لر، یره‌لگنلر و جبر کورگن‌لرگه یاردم ییتکزیب بیریش ملی بیرلیک حکومتی نینگ دستلبکی ایش لری‌دن بولگن‌لیگی باره‌سی‌ده تاکیدله‌گن.
شونینگ دیک عبدالله، قار آستی‌ده قالگن‌لرنی توقتزیش اوچون هنوز هم عملیات جریانی بارلیگی‌نی معلوم قیلگن.
افغانستان‌ده روی بیرگن طبیعی حادثه‌لر آرتیدن حکومت مملکت بویلب اوچ کون ملی ماتم اعلان قیلگن ایدی.
