تخار پولیسی 15 یاشر بیر قیزنی حبسگه آلگن. بو قیز ولایت محلی قوماندانلری و زوروان شخصلر تامانیدن جنسی قُل صفتیده فایده‌له‌نیب کیلینگن. شونینگدیک قیز اوزی بیلن جنسی علاقه قورگنلر رویخطینی امنیتی اداره‌لرگه هم بیرگن. ولایت مدنی جماعه‌چیلیک فعاللری ینه ولایتی کینگش اعضالری، حکومت قیزنینگ دوسیه‌سینی تیزلیک بیلن دولت باشقره‌لاوچیلیگی‌گه یوبارشی اوستیده تاکید قیلگنلر.
تخار پولیس قوماندانی نورمحمد حکیمی، قیزنینگ کیملیگی هنوزگچه انیق ایمس دیگن. لیکن، قیز اوزینی قندوز یشاووچیسی ایکن‌لیگینی ایتگن. بو قیز ایرکک کیمی کیدیریلیب جنسی فایده‌له‌نیش نیتیده بیر ییردن – باشقه ییرگه قولمه قول بولگن لیگنی ایتگن جناب حکیمی.
کورینیشیچه بو قیزنینگ آنه‌سی یوق آته‌سی‌نینگ هم تیریکلیگی گمان. « اوز ایسته‌گی اساسیده کیشیلر بیلن جنسی علاقه قوریب پول قولگه کیرتیش نیتی بولگن لیگینی» تیلگه آلگن بو قیز.
تخار ولایتی مساله‌گه علاقه‌دار اداره نینگ بیر منبعی نامی فاش ایتیلمس‌لیک ایسته‌گی بیلن سلام‌وطندارگه، بو قیز زوروانلرنینگ جنسی علاقه‌سی نتیجه‌سیده حامله بولگن دیدی. لیکن، قیز بچه‌سینی توشیرگن.
بوگون یولگه قوییلگن نمایشده قتنشگن تخار ولایت کینگشی نینگ اعضاسی عصمت قربانی، زوروان کیشیلر و محلی قوماندانلردن تشقری پولیس منصبدارلری هم قیزنی جنسی سوءاستعمال قیلگنلر دیدی.
بیلیم یورت استادی ینه مدنی فعاللردن بیری کریم دانش، محلی رسمیلر قیزنی بیرار شخص نینگ نکاحیگه بیریب، موضوعنی سِر سقلش اوچون سعی وحرکت قیله دیلر دیگن. اونینگ تعبیریچه، بو قیز بیراونینگ نحاحیگه بیریلگن حالده، حادثه آرتیده بولگن شخصلر محاکمه بولیشدن قوتیله‌دی.
حاضر بو قیز تخار ولایتیده خوفسیزلیگی تامین اویده قاله‌دی. پولیس خبرچیلرگه اوشبو قیز بیلن ملاقات قیلیشگه رخصت بیرمه‌گن. اما، تخار پولیس قوماندانی قیز اظهاراتلریده پولیس‌نی تیلگه آلمه‌گن دیدی.
