تخار ولایتی نینگ درقد تومنی 3 هفته آلدین طالبان نظارتی‌گه اوتگن ایدی، بیراق اوشبو گروه جنگری‌لری بوگون "یکشنبه" مذکور تومن پولیس قومندانلیگی بناسینی اوتگه تارتگن.
محل یشاوچی‌لری نینگ ایتیشیچه، طالبان گروهی پولیس قومندانلیگی نینگ بوتون تجهیزات‌لرینی چیقارگنیدن سونگ، قومندانلیک بناسینی اوتگه تارتگن.
تخار پولیس قومندانلیگی سوزلاوچیسی خلیل اسیرنینگ بو خبرنی تصدیق‌لب ایتیشیچه، طالبان گروهی ماین جای‌لشتیریش بیلن درقد پولیس قومندانلیگی بناسینی پارتلتگن.
تخار محلی حکومت مقام‌لری نینگ ایتیشیچه، بو تومنی طالبان وجودیدن تازه‌لش اوچون تیزلیک‌که حربی عملیات یولگه قوییله‌دی.
درقد یشاوچی‌لری نینگ بو وضعیتدن خواطر بیلدیریب ایتیشیچه، طالبان گروهی تیزلیک‌که سرکوب ایتیلمه‌گن صورتده، بو تومنی طالبان وجودیدن تازه‌لش زور بوله‌دی.
