تخار ولایتیدن قطار منبع‌لرنینگ ایتیش‌لریچه، طالبان خواجه بهاوالدین تومنی نینگ ایریم بولیمی نی نظارت گه آلگن.
بیر منبع آتی فاش ایتیلیشی نی ایستمه‌ی سلام‌وطندارگه ایتیشیچه، طالبان گروهی بوگون (یکشنبه ۲۳- سنبله) تخار ولایتی خواجه بهاوالدین تومنی نینگ لاله گذر قیشلاغی نی نظارت گه آلگن.
منبع گه کوره، مذکور قیشلاقده مردمی کوچلر ملک احمد تاتار رهبرلیگی آستیده طالبان جنگریلری گه قرشی اوروشه‌دی ایکن.
منبع نینگ کوپه‌یتیریشیچه، مردمی کوچلر و طالبان گروهی آره‌سیده یوزبیرگن آتیشمه باعث، کمیده ۵۰۰ عایله اوی‌لرینی ترک قیلیب و دشت‌لرگه قاچیب کیتگن.
محلی منبع‌لرنینگ ایتیش‌لریچه، شونینگدیک طالبان جنگریلری بو تومن نینگ ۱- خوفسیزلیک حوزه‌سینی هم نظارت گه آلگن و تومن مرکزی گه هجوم قیلیش اوچون تیارگرلیک آلماقده.
قویاش جاری ییل نینگ بیرینچی آلتی آیی‌ده بو تومنده مردمی کوچلردن کمیده ۱۰۰ ته‌سی طالبان هجومی باعث هلاک ایتیلگن.
اوشبو تومنده مردمی کوچلر قومندانی ملک احمد تاتار نینگ ایتیشیچه، محلی و مرکزی حکومت مردمی کوچلرگه هیچ قنده‌ی یاردم بیرمه‌گن.
