بوگون (چهارشنبه) کابلده فسادگه قرشی کورهش خلق ارا کونی نشانلندی. جمهور رییسنینگ یخشی حکومتچیلیک بوییچه مخصوص نمایندهسی احمدضیامسعود ییغینده سوزلب نمایندهلر مجلس اعضالرینینگ بیر قطارینی خلققه تیگیشلی لایحهلرنی بجریشده فسادگه قول اورده عیبلهدی.
جمهور رییسنینگ یخشی حکومتچیلیک بوییچه مخصوص نمایندهسی جناب مسعود، دولت نینگ قُویی لوازیمده خذمت قیله دیگنلر مملکتنی نابودلیک تامان آلیب کیته آلمیدی، بلکه حکومت نینگ یوقاری مرتبهلی ملازملری اداری فساد همکارلیگی بیلن افغانستان ترقیاتیگه توسیق بولهدیلر دیگن.
جناب مسعودگه کوره، نمایندهلر مجلس اعضالری خلققه عاید لایحهلردن پول قولگه کیریتهدیلر. انه شو باعث کوپینچه لایحهلرنینگ صفتی جوده قُویی دیدی جناب مسعود. شونینگدک لایحهلرنینگ صفتی قُویی بولگنلیگی باعث 20- 25 ییل دوام قیله دیگن پروژه 5 ییل دوام ایتمس لیگینی تیلگه آلگن او.
بو توغریده نمایندهلر مجلسی اداری هیاتی نینگ فکرینی اورگهنیش اوچون آلیب بارگن سعی وحرکتلریمیز ایجابی نتیجه بیرمهدی.
جمهور رییسنینگ یخشی حکومتچیلیک بوییچه مخصوص نمایندهسی، موجود اداری فساد خلق و حکومت اورتهسیده فاصله ایجاد قیلیشگه باعث بولگن دیگن.
ملی بیرلیک حکومتی نینگ بو یوقاری مرتبهلی رسمیسی، مملکت قضایی و عدلی ادارهلری ایرکین روشده فعالیت قیله آلمهگنی سبب فسادگه قولی بولگن حکومت بلند مرتبهلی رسمیلرینی تیرگاو قیلیشگه موفق بولمیدیلر دیدی.
