افغانستان بوییچه اروپا بیرلیگی ایلچیسی پیری مایدوننینگ ایتیشیچه، افغانستان حکومتینینگ اصلاحاتی برنامهلری عملگه آشیریلیشی اوچون مذکور مملکتنینگ مالیه وزیرلیگیگه اروپا بیرلیگی 200 میلیو یورو یاردم بیرگن.
اروپا بیرلیگی ایلچیسی گه کوره، اوشبو بیرلیک نهفقط رواجلنتیریش پروژهلرده، بلکیم سیاسی مسئلهلرده هم افغانستاندن حمایت قیلیب و بو مملکتده دموکراتیک بیر حکومت حاکمی بولیشی توغریسیده سعی و حرکت قیلهدی. شو یوزهدن، سیلاو دموکراسی و تینچلیک مستحکملنیشی اساسی موضوعلردن بیری دیر و اروپا بیرلیگی افغانستان سیلاویدن مالی و تخنیکی شکلده حمایت قیلهدی. جناب مایدون گه کوره، بو یاردم اروپا بیرلیگی افغانستان تینچلیک لایحهسیدن حمایت قیلیشده فایدهلی بولهدی؛ گرچند مذکور بیرلیکنینگ رولی هردایم حمایتی بولگن.
اروپا بیرلیگی ایلچیسی سوزلرینی باشقه بولیمیده ایتیشیچه، افغانستانده چیت ایللیک کوچلرنینگ موجودلیگی باعث، بو مملکت 2 رقملی اقتصاد رواجلنیشی گه گواه بولگن، بیراق بو جریان سونگی ییللرده کمهیگن. حاضر اروپا بیرلیگی افغانستان اقتصادی رواجلنیشینی 2.4 رقم گچه یوقاری کوتریشی توغریسیده سعی و حرکت قیلهدی. اونینگ ایتیشیچه، گرچند بو رقم افغانستان اقتصادی رواجلنیشی گه ییترلی ایمس دیر. بیراق، اونینگ ایشانچی گه کوره، ینگی رواجلنهدیگن بیر مملکتنینگ اقتصادی رواجلنیشی اوچون بیرینچی مناسب یول، او مملکتنینگ سوداگرلیک توارلری تعرفهسیز 500 میلیون صرفلاوچیسی بولگن اروپایی مملکتلرنینگ بازارلریگه کیریشی دیر. اروپا بیرلیگینینگ بو تکلیفی یالغیز افغانستان ایمس، بکلیم ینگی رواجلنهدیگن 49 مملکت اوچون بولهدی.
جناب مایدون، سوزلرینی دوامیده اروپایی مملکتلر، ایران و پاکستاندن قیتیب کیلگن افغان قاچقینلرینینگ تقدیریگه اشاره قیلیب ایتیشیچه، قیتیب کیلگن قاچقینلر اوچون فنی تعلیمات، اورگهتیش کورسلر و باش پناه ایجاد ایتیلیشی توغریسیده، اروپا بیرلیگی تامانیدن سعی و حرکتلر دوام ایتماقده.
پیری مایدوننینگ ایتیشیچه، امنیتی کوچلرنینگ آرهسیده مدنیت کوچلنیشی توغریسیده، مصلحت بیریش اروپا بیرلیگی تامانیدن افغانستان گه بیریلهدیگن همکارلیکلردن بیری دیر.
