سلام‌وطندارنینگ قولگه کیلتیرگن حجت‌لری اساسیده، بیات بنیادی مکتب‌لرده تاریخی اوتگن ییگولیک آذیق-آوقت ترقه‌تیشی بیلن قشاق اوقووچی‌لردن نیچه ته‌سی زهرلنیشی‌گه سبب بولگن. مذکور ییگولیک‌لردن کوپیسی برنج و سویا بولگن و پلاستیک‌لرده تیار قیلینگن. اما یوزیگه یازیلگن تاریخی‌دن آیلر اوتیب کیتگن. مذکور ییگولیک آذیق-آوقت، «Manna Pack» ناملی شرکت تامانیدن تیار قیلگن و صرفلش تاریخی 12/08/2013 دن 1/1/2016 گه قدر قید ایتیلگن.
بیات بنیادی 3/5/2016 ده یعنی ییگولیک آذیق-آوقت تاریخی‌دن تورت آی اوتیشی‌گه قره‌مسدن، عبدالرحمان شهید عالی لیسه‌سیده‌گی قشاق طلبه‌لرگه توزیع قیلگن.
بیات بنیادی تامانیدن ییگولیک آذیق-آوقت آلگن قیزلردن بیری نینگ آنه‌سی فرشته نینگ سلام‌وطندار بیلن قیلگن صحبتده ایتیشیچه، قیزیگه بیش توپلمه برنج یاردم بیرگن؛ اما باله‌لری مذکور برنجنی صرف‌لشی بیلن، آغیر یوره‌ک آغیرق و قَیتریش کسل‌لیگی‌گه یولیقگن‌لری سبب، مداوا بولیشگه 7000مینگ افغانی خرجت قیلیشی بیلن باله‌لرینی اولیمدن قوتقرگن. قیزلرنینگ باشقه بیرینی آنه‌سی نوریه گه کوره، بیات بنیادی تامانیدن بیریلگن بکس، نیچه توپلمه برنج ایکن. او یاردم بیریلگن برنجنی باله‌لریگه ییدیریگن زمان، ایچ کیتدی و قیتریش کسل‌لیگی‌گه یولیقگن‌لر و کسلخانه داکترلری ایسه نوریه گه باله‌لری ییگولیک آذیق-آوقتیدن زهرلنگن‌لیگینی معلوم قیلگن.
سلام‌وطندارنینگ تحقیق بولیمی برنج توپلمه‌لریدن بیرینی عامه ساغلیک وزیرلیگی‌گه کیفیتی‌نی تیکشیریش اوچون یوبارگن. مذکور وزیرلیک ییگولیک و داروو کیفیت‌لری کنترول و تیکشیروو ریاستی سرپرستی حامد فرملی، بیات بنیادی تامانیدن ترقه‌تیلگن ییگولیک‌لر کیفیتی و ازرشینی تیکشیریشی بیلن بو ییگولیک آذیق-آوقت تاریخی کوپ زمان آلدین اوتگن ایکن دیگن، اخلاق لحاظی‌دن بو ماده‌لرنی ترقه‌تیش ایشی لازم کورینمه‌گن. جناب فرملی نینگ کوپه‌یتیریشیچه بوخیل ییگولیک آذیق-آوقت صرفلش اجازه‌سی بیریلمیدی و بازارده ساتیش اوچون چیقاریلگن صورتده هم محیطنی سقلاوچی ریاستی واسطه‌سی بیلن ییغیب آلینه‌دی.
اما کابل معارف ریاستی مذکور ییگولیک آذیق-آوقتلر ترقه تیلمسدن نیگه آلدینی آلمه گن دیگن سوراق جوابیگه؛ معارف وزیرلیگی سوزلاوچیسی مجیب مهردادنینگ ایتیشیچه، معارف وزیرلیگی نظارت ریاستی پایتخت مکتب‌لریده ییگولیک آذیق-آوقتلر ترقه‌تیلیش جریانیدن خبر ایمس و مکتب‌لرده ترقه‌تیله دیگن ییگولیک آذیق-آوقتلر و یا باشقه هر نرسه بولسه، کابل معارف ریاستیدن اجازه آلمسدن ترقه‌تیشلری بوتونلی قانونگه قرشی دیگن.
جناب مهردادنینگ ایتیشیچه، حاضرگه قدر بیات بنیادی نینگ ترقه‌تیلگن تاریخی اوتگن ییگولیک‌لری شکایتی اولرگه ییتیب کیلمه‌گن و معارف وزیرلیگی‌گه شکایت کیلگن صورتده، حتمن وزیرلیک موضوع باره‌سیده تحقیق قیله‌دی.
بو گزارش شوپیتده ترقه‌تیله‌دی که زهرلنگن قیزلردن بیری‌نینگ آنه‌سی سلام‌وطنداردن؛ مبادا بو گزارش سبب قیزی مکتبدن چیقاریب قویباریلمس‌لیگی اوچون اسمی سر سقله‌نیشی‌نی سوره‌گن.
سلام‌وطندارنینگ تحقیقی گزارشگری، بیات بنیادی رسمی‌لریدن تاریخی اوتگن ییگولیک آذیق-آوقت ترقه‌تیلیش دلیلی‌نی سوره‌گن، اما نیچه کون‌لیک تلاش‌لر بیلن بنیاد رسمی‌لریدن جواب آلیشگه موفق بولمه‌دی.
بیات بنیادی بیر خیریه موسسه حیثیده 12 ییلدن بویان افغانستانده قیته قوریش، زیربنایی ایشلر، یاردم‌لش و اضطراری حالت‌لر بوییچه مساعدت قیلیب، نیازمندلرگه یاردم، معارف و ساغلیکنی سقلش بولیم‌لریده فعالیت قیلیب کیلماقده.
