افغان ولسمشر محمد اشرف غني بلخ ته په ننني سفر کې خلم ولسوالۍ کې د برېښنا د ۲۲۰ کیلو واټه یو سبسټېشن او په مارمل ولسوالۍ کې د برېښنا د وېش یوې شبکې چې د المان هېواد له لوري د ۷.۶ میلیونو یورو مرستې لهمخې جوړه شوې، پرانېسته وکړه.
ولسمشر غني د دې پروژو په تطبیق کې د اوبو او برېښنا وزارت د معین ګلمحمد خلمي او د برېښنا شرکت د مشر له هڅو ستاینه وکړه.
محمد اشرف غني د دغو دوو پروژو پرانېستلو پرمهال بلخ ولایت ته د خپل سفر بله موخه د وچکالۍ او سېلابځپلو وضعیت ته رسېدل او د جګړو له امله د بېځایه شویو کورنیو د موضوع نه ځان خبراوی وبللو.
د افغان ولسمشر په وینا، د دغو سبسټېشنونو له تولیدي برېښنا به شاوخوا ۱۸زره کورنۍ ګټنه وکړي.
ټاکل شوېوه، د خلم ولسوالۍ ۲۲۰ کیلو واټه برېښنا سبسټیشن، تېره اوونۍ د اوبو او برېښنا وزیر علياحمد عثماني له لوري پرانېستل شي؛ خو د لوړپوړو چارواکیو د الوتنې برخې چارواکیو د کابل په هوايي ډګر کې بلخ ولایت ته د ښاغلي عثماني سفر مخه ونیوله.
د سلاموطندار راډیو د اطلاعاتو لهمخې، ښاغلی عثماني د ولسمشرۍ ماڼۍ په امر بلخ ولایت ته له سفر راګرځول شویو
