بلخ ولایتیده کرونا ویروسی گه چلینگن ایکی کیشی جان بیردی

بلخ ولایتی بوییچه ساغلیق‌نی سقلش ریاست مسؤوللری، اوشبو ولایتده کرونا ویروسی گه چلینگن ایکی کیشی جان بیرگنیدن خبر بیریشگن.

بوگون «دوشنبه، 18- حمل» بلخ ولایتی بوییچه ساغلیق‌نی سقلش ریاستی‌نینگ یوقوملی کسل‌لیک‌لرنی کنترول قیلیش بولیم مسؤولی فهیم شرفیارنینگ ایتیشیچه، 70 یاشیده بولگن بیر کیشی مزارشریف شهریده و 86 یاشیده بولگن بیر کیشی اوشبو ولایت نینگ دهدادی تومنیده کرونا ویروسی باعث، جان بیرگن‌لر.

اونگه کوره، بو ایکی کیشی هیچ قچان ایران گه سفر قیلگن ایمس ایکن.

اوشبو ایکی کیشی جان بیریشی بیلن حاضرگه‌قدر مملکت ده کرونا ویروسی گه چلینگن 9 کیشی و بو ویروس گه شبهه‌لی بیر کیشی جان بیرگن.

ساغلیق‌نی سقلش وزیرلیگی تامانیدن بیریلگن رقم‌لر اساسیده، حاضرگه‌قدر مملکت ده کرونا ویروسی گه چلینگن‌لردن 15 کیشی یخشی بولگن.

افغانستانده کرونا ویروسی گه چلینگن‌لرنینگ سانی 367 کیشی گه ییتیشدی و بو آره‌دن 239 ته‌سی هرات ولایتیده بولگن.