افغانستان بیرینچی ملی پارکی بند امیر اطرافیده یشهیدیگن کیشیلر مذکور منطقهلرنی قندهی سقلهش توغریسیده معلوماتلری یوقلیگی باعث بو منطقهدهگی اوسیملیکلرنی هردایم تخریب قیلهدیلر.
محل یشاوچیلری علیحسین و سیدامین ابراهیمی نینگ ایتیشلریچه، مذکور اوسیملیکلرنی قیش موسمیده اویلرینی ایسیق قیلیش اوچون توپلهیدیلر.
باشقه بیر تاماندن بو ییل بند امیر ملی پارک اطرافیده یشهیدیگن کیشیلر، مذکور پارک اطرافیدهگی کوپینچه ییرلرنی تراکتور بیلن قازیب دَیمه ییرلرگه اوزگرتیرگن.
اوشبو پارک اطرافیدهگی اوسیملیکلر تخریب ایتیلیشی، یشش محیط نی سقلهش فعاللری نینگ خواطرلریگه سبب بولگن.
یشش محیط ایش بیلرمانی کریم فروغ نینگ ایتیشیچه، بند امیر ملی پارک اطرافیدهگی اوسیملیکلرنی تخریب قیلیش، کیلهجکده طبیعی منظرهلر و نهایتده سوو توغانی شکلی نینگ اوزگریشی گه سبب بولیشی ممکن.
جناب فروغ افغانستان ده حیوانلر و قوشلرنینگ نسلی کمهیش سببی نی طبیعی اوسیملیکلر و اورمانلر نابود ایتیلیشی دیگن.
بندامیر ملی پارکی و اونینگ سقلهنگن منطقهسی کمیده 62 مینگ هکتار ییرنی اوزی گه آلگن و شونینگدیک حاضر مذکور پارک اطرافیدهگی اوسیملیکلر کیسیلیشی گه علاوه بو منطقهده بَلیقلر، کم تاپیلهدیگن قوشلر و یهووایی حیوانلر هم شکار ایتیلهدی.
افغانستان مرکزی حوزهسیده یهووایی حیات نی سقلهیدیگن آمریکالیک نهاد مسئولی ابراهیم ابرار نینگ ایتیشیچه، پارک ایشلاوچیلری و تومن ادارهسی مذکور پارک اطرافیدهگی اوسیملیکلر کیسیلیشی گه توسیق بولیش اوچون حرکت قیلهدیلر، بیراق شوندهی بیر حالده هم اهالی بو ایش گه قول اوریشهدی.
بامیان ده یشش محیط فعاللری نینگ ایتیشلریچه، گرچند بو ولایتده کوک منطقهلر تخریب ایتیلیشی، حیوانلر شکار ایتیلیشی و شونینگدیک اوسیملیکلر کیسیلیشی نی آلدینی آلیش اوچون کوپینچه نهادلر فعالیت قیلهدی، بیراق حاضرهم بو توغریده کوپینچه قیینچیلیکلر موجود.
عین حالده، بامیان یشش محیط نی سقلش اداره باشلیغی ابراهیم دادفر، اهالیدن سیلابلر مذکور بند گه کیرمهسلیگی اوچون اوشبو بند اطرافیدهگی اوسیملیکلرنی کیسمهییشلرینی سورهگن.
