افغانستان قاچقینلر ایشلری بوییچه وزیرلیک بلند مرتبهلی رسمیلری، مملکت قاچقینلری قیینچیلیگی حل ایتیلیشی اوچون یاردم بیرووچی مملکتلردن ییلده 170 میلیون دالر کومک قلیشلرینی سورهگنلر. مذکور وزیرلیکنینگ رسمیلری، بو توغریده ایشلب چیقاریلهدیگن لایحه اساسیده اوچ ییلده 553 میلیون دالرگه احتیاج سیزیلهدی دیگنلر.
مملکت قاچقینلر ایشلری بوییچه وزیری سیدحسین عالمی بلخی، مهاجرتدن قیتگنلر قیینچلیگینی یقیندن کوزهتیش اوچون پروان ولایتیگه سفر قیلیب، افغانستان حکومتیگه همکارلیک قیلهدیگن دولتلر هنوزگچه مذکور مبلغ نینگ 220 میلیون دالر یاردم بیریش گه تیارگرلیک کورستگنلر دیگن.
جناب بلخیگه کوره، قاچقینلر شهرچهسی جملهدن پروان ولایتیدهگی مهاجرلر شهرچهسی تورلی قیینچیلیکلر بیلن روپهره. بلخی مذکور معما حل ایتلیشی اوچون بوگون پروان ولایتیگه سفر قیلگن.
مملکت بویلب قاچقینلرنینگ شهرچهسینینگ بیرینچی معماسی، اوشبو شهرچهلرنی زمانوی قوریلمهگنلیگی دیر.
پارلمانده پروان ولایتینینگ نمایندهسی محمدالماس زاهد، مذکور شهرچهلرنینگ زمانوی بولمهگنلیگی یاردم بیروچی مملکتلرنینک کومگی کیسیلگن لیگی اوچون بیرینچی دلیل دیگن. جناب زاهد، تشقی مملکتلر یاردملرینی جذب ایتیش اوچون مذکور شهرچهلر زمانوی قوریلیشینی تکلیف قیلگن.
اما، سیدحسین عالمی بلخی، وزیرلیک تامانیدن ایشلب چیقاریله دیگن اوچ ییللیک طرح خارج دولتلردن مملکتگه قیتهدیگن قاچقینلر قیینچلیگینی حل ایتهدی دیگن.
افغانستان دولتی نیچه ییل آلدین تشقی مملکتلردن قیتگن مهاجرلر اوچون شهرچه قوریب بیریشنی باشلهگن ایدی، هنوزگچه مملکت بویلب اونلب شهرچه قاچقینلر اوچون قوریب بیرلگنی ایتیلهدی.
