.jpg)
هرات ولایتیدهگی قطار ایچکی آوارهلر ترور و قوراللی اوغیرلیکلرده قولی بار. هرات پولیس قوماندانی، ولایت نینگ مهاجرلر استقامت قیلهدیگن منطقهسیدهگی اویمه – اوی اوتکزیلگن تینتاو نتیجهسیده قورال اسلحه همده پارتلاوچی ماده کشف قیلینگن دیدی.
هرات پولیس قوماندانی عبدالحدولیزاده، حاضرگی کونده هرات ولایتیده مینگلب ایچکی آواره بولگن خانهدان بارلیگینی سلاموطندارگه ایتگن. پولیس نینگ قولگه کیرتگن معلوماتلریده اوشبو خانهدانلرنینگ بعضیسی پلانلشتیریلگن جنایی جرملرده قولی بار.
اونینگ سوزلریگه کوره، پولیس شهرده پلانلشتیریلگن جنایی جرملر صادر ایتیش آلدینی آلیش نیتده شهر بویلب جدی نظارت باشلهگن.
ولایت والیسینینگ سوزلاوچیسی جیلانی فرهاد ولایت نینگ ایریم بولیملری اینیقسه مهاجرلر استقامت قیلهدیگن منطقهلرده جنایی جرملرده قولی بولگن شخصلر حیات کیچیرهدی دیگن.
اما، هرات ولایت ولایتی کینگشی نینگ باشلیغی کامران علیزایی، هرات ایچکی آوارهلریدن تشقری باشقه شخصلرنینگ بو نابرقرارلیک و جنایی جرملرده قولی بار دیگن. جناب علیزایی، ولایت امنیتی کوچلرینی برقرارلیکنی تامین قیلهآلمسلیکده عیبلب، ولایت نینگ برقرار تومنلریده هم جنگری طالبان نینگ سانی آشماقده دیگن.
افغان ملی کوچلرینی بوتون تومنلرده موجودلیگی بارهسیده اشاره قیلگن ولایت والیسی نینگ سوزلاوچیسی جیلانی فرهاد، تومنلرده جنگری طالبان نینگ بارلیگی خصوصیده گزارش کیلگن پیت کیچیکمسدن حربی تازهلش عملیات اوتکزیلهدی دیگن.
