شمال و شمالشرق ولایتلریده جمهور رئیس بیرینچی اورین باسری جنرال عبدالرشید دوستمنینگ طرفدارلری تامانیدن یولگه قوییلگن ناراضیلیک نمایشدن 17 کون اوتماقده.
جوزجان اعتراضچیلری، ولایت حاکمینینگ دفتری، باشقه 33 دولتی اداره و 6 نادولت مؤسسهنی باغلب آگاهلنتیریشیچه، جنرال دوستم مملکتگه قیتمهی و نظامالدین قیصاری قماقدن قوییب یوباریلمهگن صورتده، ملی قیام گه قول اورهدیلر.
جوزجان ولایت کینگشی اعضاسی آمرالدین دانشجونینگ ایتیشیچه، حکومتنینگ جوابینی حکومت تیلیگه بیرهدیلر. جوزجان ولایتیده یاشلر جنبشی تشکیلاتی باشلیغی قدرتالله وطننینگ ایتیشیچه، برچه دولتی ادارهلرنی جنرال دوستم قیتیب و قیصاری قوییب یوباریلگونگهقدر باغلهیدیلر.
شونینگدیک، بدخشان و تخار ولایتلریده ملی اسلامی جنبش حزبینینگ طرفدارلریدن یوزلرچهسی ناراضیلیک نمایشگه قول اوریب ینه بیر بار جنرال دوستم مملکتگه قیتیشی و نظامالدین قیصاری قوییب یوباریلیشی اوستیگه تأکید قیلگنلر. شونینگدیک، اولرنینگ آگاهلنتیریشیچه، ایستکلریگه ایجابی جواب بیریلمهگن صورتده، برچه دولتی ادارهلرنی باغلهیدیلر.
فاریاب ولایتیده هم یوزلرچه اعتراضچی عیال جادهلرگه چیقیب جنرال دوستم مملکتگه قیتیشی و نظامالدین قیصاری قوییب یوباریلیشینی سورهگنلر.
مملکت شمالی و شمالشرق ولایتلریده حکومت گه قرشی ناراضیلیک نمایشلر باشلنگنیدن 17 کون اوتماقده، شونچه کون گه ناراضیلیک نمایشلر نهفقط توختمهدی، بلکیم کون اوتیشی بیلن جدی و کینگهییب بارماقده.
