بوگون "سهشنبه"علیمحمد بافیض لوژیستیکی شرکتینینگ باشلیغی ویس عزیزینینگ کابلده بیر خبری ییغین آرقهلی ایتیشیچه، قویاش 1394-ییلده هرات دن کابل تامان کیلهدیگن 10 عراده زره موتری قندهار ولایتیده اوشبو ولایت امنیه قومندانی جنرال عبدالرازق تامانیدن توختهتیلگن.
جناب عزیزیگه کوره، مذکور موترلر 1 میلیون و 200 مینگ دالر خرجت کوتاریب، ناتو سازمانیگه کرایهگه بیریش اوچون کابلده انتقال بیریلماقده ایکن.
علیمحمد بافیض لوژیستیکی شرکتی باشلیغینینگ ایتیشیچه، قندهار پولیس قومندانی توختهتیلگن موترلرنی قیتهدن بیریشینی بیلدیرگن ایدی؛ بیراق موترلری حاضرگهقدر هم بیریلمهگن.
عزیزینینگ ایتیشیچه، نیچه پیت آلدین جمهورلیک ریاستی و ایچکی ایشلر وزیرلیگیده مراجعت قیلگن، بیراق اوشبو ادارهلر حاضرگهقدر هم بوتوغریده اقدام قیلمهگن.
علیمحمد بافیض لوژیستیکی شرکتنینگ مسووللرینی آگاهلنتیریب ایتیشیچه، حکومت کیلسی 10 کون گچه اولر ایستکلریگه دقت قیلمهگن صورتده، اعتراض قیلیشلری ممکن.
بو توغریده قندهار پولیس قومندانی جنرال عبدالرازقنینگ فکرینی آلیش اوچون سعی و حرکت قیلدیک؛ بیراق موفق بولمهدیک.
