بلخ ته د ولسمشر سفر

ولسمشر محمداشرف غني نن بلخ ولایت ته لاړ.

ولسمشر غني د خپل سفر پرمهال لومړی د ابوعلي‌سینا بلخي نسایي ـ ولادي او ماشومانو ۳۶۰ بستریز روغتون پرانسته.

د ولسمشر د ویاند مرستیال شاه‌حسین مرتضوي د یوې خبرپاڼې په خپرولو سره ویلي، یاد ۵ پوړیز روغتون د ۱۵ میلیونه یورو په لګښت چې د المان هېواد یې ورکوي، جوړ شوی دی.

ټاکل شوې ولسمشر د خپل دوه ورځني سفر پرمهال د بلخ ولایت له ملکي او نظامي مسوولانو ترڅنګ، له ښځو، قومي مشرانو، استادانو، ځوانانو، د رسنیو له مسوولانو، مدني ټولنو، د ولایتي شورا له غړو، ولسوالانو او دیني عالمانو سره هم وګوري.

د هېواد لومړۍ مېرمن او یوشمېر نور حکومتي چارواکي له ولسمشر سره په دغه سفر کې ګډون لري.