بلخ پولیس قوماندانلیگی‌نینگ سوزلاووچی‌سی شیرجان درانی نینگ سلام وطندارگه ایتیشیچه، PIN نا دولت اداره‌سی نینگ ملازم‌لری اوتگن کیچه بلخ ولایتی زارع ولسوال‌لیگی‌ده نا معلوم قوراللی شخص‌لر تامانیدن هجوم آستی‌گه آلینیب نتیجه‌ده بو اداره‌نینگ سکیز خادمی همه‌سی اولدیریلگن.
درانی، اولدیریلگن‌لر ایچیده بیر عیال بولگن لیگینی هم ایتگن.
اوز نامی فاش ایتیلیشی‌نی ایستمه‌گن بلخ ولایت امنیه قوماندان‌لیگی منبعی نینگ سلام وطندارگه ایتیشیچه، اولدیریلگن‌لر 9 کیشی دیر. ایتیلیشیچه، برچه‌سی نینگ باشی کیسیلیب اولدیریلگن.
پولیس سوزلاووچی‌سی هنوزگچه حادثه‌ده قولی بارلیککه عیبله‌نیب هیچ کیم اوشلنمه‌گن لیگینی ایتگن. بو توغریده تیرگاو باشلنگن.
شونینگ‌دیک ولایت سرپرست سوزلاووچی‌سی منیراحمدفرهاد نینگ سلام وطندارگه ایتیشیچه، اولدیریلگن‌لر همه‌سی افغانستان فقراسی دیر.
جناب فرهادگه کوره، (PIN (people in need اداره‌سی ایکینچی‌لیک، ساغلیق و ترقیات برنامه‌لرینی عمل‌گه آشیریش بیلن شغللنردی.
ولایت سوزلاووچی‌سی، اصلی مرکزی قزاقستان‌ده جایلشگن اوشبو اداره مذکور مملکت تامانیدن مالیوی حمایت ایتیلردی.
واقعه مسوولیتی‌نی هنوزگچه هم بیرار شخص یا گروه اوز بوینیگه آلمه‌گن.
