د بغلان ولایت د تالهوبرفک ولسوال عبدالاحمد احمدي سلاموطندار ته وویل چې د والیبال په یوه میدان کې د ماین چاودنې له کبله ۵ کسان وژل شوي او ۲۰ نور ټپیان دي.
احمدي وايي، پېښې تېر ماښام په برفک سیمه کې چې د طالبانو په لاس کې ده، شوې ده.
د نوموړي په وینا، په پېښه کې د یوه طالب په ګډون ۵ ملکیان وژل شوي او له ۲۰ ډېر عام وګړي ټپیان دي.
د تالهوبرفک ولسوال زیاتوي، د پېښې ټول قربانیان ځوانان او ماشومان دي چې پر والیبال بوخت وو.
په همدې حال کې د پلخمري د ولایتي روغتون رییس محمدانور وردګ وايي، یوازې ۴ ټپیان چې ملکیان دي، یاد روغتون ته ور وړل شوي دي.
