بوگون «یکشنبه» توشدن آلدین ساعت 10 اطرافیده بغلان ولایتیده برق قراردادی شرکت‌لریدن بیری‌نینگ 7 ایشلاوچیسی طالبلر تامانیدن اوغیرلنگن و اولردن 6 ته‌سی هندوستانلیک دیر.
بغلان ولایتیده برشنا غوری برق ریاستی‌دن بیر منبع آتی فاش ایتیلیشی‌نی ایستمه‌ی ایتیشیچه، اوغیرلنگن کیشی‌لر ((KEC قراردادی شرکتی‌گه تیگیشلی بوله‌دی و بو شرکت خواجه‌الوان دشتی برقی‌نینگ سب ایستیشنی‌نی قوریش اوچون سوو و برق وزیرلیگی بیلن قرارداد باغله‌گن.
بغلان پولیس قومندانلیگی سوزلاوچیسی ذبیح‌الله شجاع نینگ ایتیشیچه، مذکور کیشی‌لر بغلانده طالبان گروهی‌نینگ قومندانلریدن بیری قاری شاهین تامانیدن اوغیرلنگن و پلخمری شهری‌نینگ دند شهاب‌الدین منطقه‌سیگه انتقال بیریلگن. بیراق جناب شجاع گه کوره، اوغیرلنگن کیشی‌لر قوییب یوباریلیشی توغریسیده سعی و حرکت دوام ایتماقده.
شونینگ‌دیک، بغلان ولایت کینگشی اورین باسری فیروزالدین ایماق، بو خبرنی تصدیق‌لب و بونی مملکت اقتصادی و خوفسیزلیگی برابریده کته ضربه دیب بیله‌دی و ایچکی ایشلر و مدافعه وزیرلیک‌لریدن بغلانده امنیتی کوچلرنی کوپراق جهازلشینی سوره‌یدی.
قوراللی طالبلر حاضرگچه بوتوغریده هیچ نرسه دیمه‌گن.
