افغانستان شمالی‌ده جایلشگن بغلان طبیعی حادثه‌لرگه قرشی کوره‌ش اداره‌سی نینگ مسؤوللری، سونگی بیر نیچه کونده یاققن یاغین گرچیلیک‌لر باعث پلخمری شهریده سوو تاشقینی یوز بیرگن لیگی‌نی ایتگن‌لر.
بغلان ولایتی طبیعی حادثه‌لرگه قرشی کوره‌ش ریاستی نینگ باشلیغی محمدنصیر کهزادنینگ سلام‌وطندارگه ایتیشیچه، هنوز هم یاغین گرچیلیک‌لرنی دوامی بار. ایتیلیشیچه، سوو تاشقینی عاقبتی‌ده اونلب یشش بنا اورته‌دن کیتگن.
جناب گهزاد ایتیشیچه، حاضرگه قدر سوتاشقینلریده 3 عیال قوشیمچه 4 گودک هلاک بولیب 10 کیشی تن جراحت آلگن. ایتیلیشیچه سونگی سووتاشقینلریده یوزلرگه یقین تورر بنا سوو آستیده قالیب، اونلرچه سی هم خطرده آستیده.
اوتگن ییل قیش‌ده یاققن قلین قار اینیقسه پنجشیر ولایتی‌ده یوز بیرگن قار کوچگی‌سی نتیجه‌سیده یوزلب انسان حیات‌دن کوز یومگن ایدی.
شونینگ‌دیک سوو تاشقین‌لری و قار کوچگی‌سی افغانستان خلقی‌گه جانی تلفات ییتکزگن لیک‌دن تشقری هر دایم اهالی‌گه آغیر مالی زیان ییتکزیب کیلگن.
