بو واقعه اوتگن کیچه بغلان مرکزی پلخمری شهری نینگ «کُتب‌خیل» منطقه‌سیده یوز بیرگن.
کیم‌لیگی سیرقالیش‌نی ایسته‌گن بیر منبع نینگ بوخبرنی تصدیق‌لب سلام‌وطندارگه ایتیشیچه، طالبان جنگریلری اوچ پوسته‌نی نظارت‌لریگه آلگنی‌دن سونگ، مذکور منطقه‌لر هوایی هجوم آستیگه قرار بیریلیب، نتیجهده بیر عایله نینگ 7 اعضاسی جان بیرگن.
نماینده‌لر کینگشی اعضاسی اسدالله شهبازنینگ ایتیشیچه، بو هجوم‌ده بیرعیال 6 فرزندی بیلن جان بیریب و باشقه بیر ایرکک یره‌لنگن دیر.
جناب شهبازگه کوره، بو توغریده تیکشیریش‌لر باشلنگن.
نماینده‌لر کینگشی نینگ اوشبو اعضاسیگه کوره، طالبان جنگریلری بغلان- قندوز قتناو یولی اطرافیده هجوم قیلیب و بومنطقه‌ده بولگن 3 امنیتی پوسته‌نی اوز نظارت‌لریگه آلگن.
حاضرده مذکور واقعه‌ده قربان بولگنلرنینگ اقارب‌لری بغلان- قندوز و بغلان- مزارشریف قتناو یولی‌نی ترافیک یوزیگه باغلب و بو واقعه تیکشیریلیشی‌نی طلب قیلگنلر.
امنیتی مسووللر بو توغریده صحبت قیلیش‌نی ایستمه‌گن.
