افغانستاننینگ 19یاشر کریکت تیمی تماشاگه ارزیگولیک بیر اویینده نیپال تیمینی یوتدی.
افغانستان کریکت فدراسیونی تامانیدن نشر ایتیلگن خبرنامهده، مملکتنینگ 19 یاشر ملی کریکت تیمی مالیزیا میزبانلیگیده اوتکزیلگن آسیا نینگ ایللیک آواره اویینلرینینگ اوچینچی کونده نیپال بیلن میدان چیققن.
مذکور خبرنامهگه کوره، بوگون (شنبه) اویینده افغانستانلیک توپ تشلاووچی ضیاالرحمان و پرویز ملکزیلر تماشاگه ارزیگولیک توپلر تشلش بیلن – حریف تیمی نینگ اوچ- اوچ اوینچیسینی میداندن چیقاریشگه موفق بولگن. نیپال تیمی 125 یوگریش بیلن برچه اویینچیلرینی قولدن بیرگن.
افغانستانلیک ایکی اویینچی ناصرخان و حضرت زازی 50-50 یوگوریش بیلن اوییننینگ 25 آوریده حریف تیمی تامانیدن تعین ایتیلگن هدفنی تکمیل قیلیشگن.
مملکت سولچی اویینچیسی ضیاالرحمان اوشبو میدان نینگ اینگ یخشی اویینچیسی مکافاتینی قولگه کیریتیشگه موفق بولگن. بوندن آلدین افغانستان 19 یاشر کریکت تیمی آسیایی مسابقهلرده هم کویتنی شکست بیرگن ایدی.
اویینچلر تقسیم اوقاتیگه کوره، افغانستان 19 یاشر کریکت تیمی دوشبنه کونی عرب امیرلیک دولتلری بیلن چیقیشی کوتیلهدی. افغانستان کریکت تیمی مذکور بیلشوولرده ایکی تیم مقابلیده موفق بولیش بیلن مذکور اویینلر جدولینینگ باشیدن اورین آلگن.
اوشبو مسابقهلرده افغانستان قوشیمچه مالیزیا، کویت، نیپال عرب امیرلیکلری و سعودیه عربستانی نینگ 19 یاشر کریکت تیملری اشتراک قیلگن.
جاریی ییل آگست آیینینگ 28- سیده باشلگن مذکور بیلشووده قتنشگن تیملردن بیرتهسی بیرینچی بولیش بیلن اویین کیلگوسی پنجشبنه کونی اوز پایانیگه ییتهدی.
