بغلان ولایتی نینگ مرکزی پلخمری شهرینی ایریم قسمت‌لریده طالبان گروهی نینگ هجوملری شدتله‌نیب و ناتینچلیک‌لر کینگه‌یگنیدن سونگ، ایچکی ایشلر وزیرلیگی نینگ امنیتی ییریک اورین باسری عبدالصبور قانع و ملی خوفسیزلیک عمومی ریاستی نینگ ولایتی اورین باسری جنرال عبادالله عباد مذکور ولایت گه سفر قیلیشگن.
مملکت ایچکی ایشلر وزیرلیگی نینگ امنیتی ییریک اورین باسری عبدالصبور قانع نینگ سلام‌وطندارگه ایتیشیچه، او و همراهلری امنیتی وضعیت نی تیکشیریش اوچون بو ولایت گه کیلیشگن. جناب قانع نینگ ایتیشیچه، ایچکی ایشلر وزیرلیگی و ملی خوفسیزلیک عمومی ریاستی نینگ خاص کوچلری اوتگن «دوشنبه کیچه، 22- ثور» هدفلی بیر عملیات نتیجه‌سیده مرکزی بغلان تومنیده عسکر آلیش و فعالیت گه قصد قیلگن داعش گروهی نینگ 3 عیال و 2 ایرکک شامل 5 اعضاسی‌نی قولگه آلگن.
ایچکی ایشلر وزیرلیگی نینگ امنیتی ییریک اورین باسری گه کوره، داعش گروهی نینگ جنگریلری شرقی و جنوب-شرقی ولایت‌لردن بو ولایت گه کیلیب و ینگی بیر ترماق ایجاب ایتیش گه قصد قیلیشگن ایکن. او، بو ولایت نینگ خوفسیزلیک کوچلری گه ناقانونی قوراللی کیشی‌لرنینگ یوریشی گه توسیق بولیشی توغریسیده بویروغ بیرگن.
اونینگ ایتیشیچه، امنیتی کوچلر طالبان گروهی نینگ هجوملرینی دفع قیلیش اوچون ییترلیچه تیارگرلیک آلگن. ایچکی ایشلر وزیرلیگی نینگ امنیتی ییریک اورین باسری نینگ کوپه‌یتیریشیچه، امنیتی وضعیت نی تیکشیریش اوچون شمال و شمال‌شرق گه سفر قیله‌دی.
بغلان ولایتیدن امنیتی بیر منبع نینگ سلام‌وطندارگه ایتیشیچه، اوشبو ولایتده داعش گروهی نینگ جنگریلری اسلامی حزب بیرقی آستیده فعالیت قیله‌دی. اوشبو منبع گه کوره، داعش گروهی نینگ جنگریلری اسلامی حزب قومندانلریدن بیری میرویس جهادیارنینگ نظارتی ده بولگن منطقه ده یشه‌گن.
بیراق، اسلامی حزب قومندانی، مرکزی بغلان تومنیده داعش گروهی جنگریلری نینگ حضورینی رد قیلیب ایتیشیچه، داعش گروهی نینگ اعضالری اوچ آیدن بویان اولرنینگ نظارتی دن اوزاق بیر اویده یشر ایکن.
ایچکی ایشلر وزیرلیگی نینگ امنیتی ییریک اورین باسری، بغلان ولایتیده داعش گروهی نینگ جنگریلری قولگه آلینگنیدن خبر بیرگن بیرچاغده، اوتگن کون «دوشنبه، 22- ثور» داعش گروهی نینگ شرق دور و جنوبی آسیا رهبری ایکی همراهی بیلن ملی خوفسیزلیک کوچلری آرقهلی قولگه آلینگن.
ملی خوفسیزلیک عمومی ریاستی تامانیدن ترقه‌تیلگن خبرنامه‌ده ایتیلیشیچه، داعش گروهی نینگ شرق دور و جنوبی آسیا رهبری شیخ ابوعمرالخراسانی آتی گه تانیلگن ضیاالحق، جنوبی آسیا بولیمی‌نی استخباراتی مسؤولی ابوعلی و عامه‌وی علاقه مسؤولی صهیب ایچکی ایشلر وزیرلیگی و ملی خوفسیزلیک عمومی ریاستی نینگ خاص کوچلرینی عملیاتی نتیجه‌سیده قولگه آلینگن.
