غور ولایتی نینگ مدنی فعاللری و ولایتی کینگش اعضالریدن بیرقطاری، تینچ اهالی قربانلری، غور-هرات و غور-کابل قتناو یوللری توسیلگنیدن خواطر بیلدیریشگن.
اولر، بوگون «پنجشنبه» 31- اسد، مذکور ولایتده خبری بیر ییغین اوتکزیب ایتیشیچه، سونگی نیچه آیده طالبان گروهی تامانیدن ییرلشتیریلگن ماینلر پارتلتیشی عاقبتیده و آتیشمهلر جریانیده 100 دن آرتیق تینچ اهالی هلاک ایتیلگن.
غور مدنی فعاللریدن بیری محمدحسن حکیمی، مذکور ولایت خوفسیزلیگی تأمینلنیشی خصوصیده محلی مسؤوللرنینگ دقتسیزلیککه عیبلب ایتیشیچه، طالبان گروهی غورنینگ ایریم قسمتلرینی نظارت گه آلیب اهالی نینگ اقتصادی و اجتماعی نقطهی نظردن کوپینچه قیینچیلیککه روپهره قیلگن.
غور مدنی فعاللریگه کوره، طالبان گروهی قتناو یوللرده چکپاینت ایجاد قیلیب و تومنلرنینگ یوللریده ماین ییرلشتیریب یولاوچیلرنی اوغیرلب و قیناققه سالهدیلر.
اولرنینگ آگاهلنتیریشیچه، غورده طالبان گروهی نینگ مرکزلری و قرارگاهلری امنیتی کوچلر تامانیدن هدف گه آلینمهگن صورتده، بو ولایتده انسانی فاجعه یوز بیرهدی.
غور ولایت کینگشی اورین باسری عبدالرحمان عطشان، قتناو یوللر و اهالی خوفسیزلیگی نی تأمینلش ده محلی مسؤوللر و خوفسیزلیک رسمیلری نینگ ظرفیتسیز دیب ایتیشیچه، طالبان گروهی بو یولده یولاوچیلردن تاولانچیلیک قیلهدی.
جناب عطشان نینگ ایشانچی گه کوره، خوفسیزلیک وضعیتی شوندهی بیر شکلده دوام قیلگن صورتده، اهالی و حکومت آرهسیده بولگن آلیسلیک کوپهییب و بو ولایتده جمهورلیک ریاست سیلاوی هم یولگه قوییلمهیدی.
غور حاکمی سوزلاوچیسی عبدالحی خطیبی، طالبان گروهی تامانیدن تینچ اهالی قربان بولیشی نی تصدیقلب ایتیشیچه، فیروزکوه شهری نینگ غربی قسمتلری و قتناو یوللرده طالبان گروهی قتهغن قیلینیشی اوچون تازهلش عملیات دوام ایتماقده.
ایتیش کیرهک کیم، ایکی کون آلدین، غور-هرات قتناو یولیده طالبان گروهی تامانیدن ییرلشتیریلگن ماین پارتلشی عاقبتیده، بیر کیشی و بیر باله هلاک و باشقه بیر عیال یرهلنگن.
شو توغریده…
غور؛ طالبان گروهی مخدرهماده ایشلب چیقارهدیگن بیر مرکز قورگن
