بغلان ولایتی ساغلیق‌نی سقلش ریاستی‌نینگ مسوول‌لری، مذکور ولایت‌ده آنه و باله اولیم میزانی 50 % کمیگن‌لیگی با‌ره‌سیده خبربیرگن‌لر.
بغلان ساغلیق‌نی سقلش اداره‌سی نینگ اورین باسری داکتر عبدالعلیم غفاری، بوندن ایکی ییل آلدین هر 100 آنه دن 16ته سی کوز یاریش پیتی‌ده حیاتدن کوز یومردی دیگن. اما حاضر ایسه بو ساحه‌ده کوزگه کورینرلی درجه‌ده ایجابی اوزگریش کیلگن.
بغلانده 21قابله‌نی فراغت مراسمی‌ده سوزله‌گن جناب غفاری‌گه کوره، مرکز شامل ولسوال‌لیک‌لرده صحی اداره‌لر کوپه‌یشی، اهالی سویه‌سینی آشیریش اوچون برنامه‌لر تطبیق ایتیلیشی و مذکور ریاست آرقه‌لی مسلکی قابله‌لر ایش‌گه آلینیشی بغلان ولایتی‌ده آنه‌لر و باله‌لر اولیم میزانی پست‌گه توشیش‌گه باعث بولگن دیگن.
شونینگ‌دیک غفاری‌گه کوره، بوندن آلدین 90% کوز یاریش اویلرده عملگه آشیریلردی. لیکن، حاضرگی کونده 36% خاتین‌لر شفاخانه‌لرده کوز یاره‌دی. عین‌حالده جناب غفاری، سابق‌لرده آنه‌لر اولیم میزانی کوپ بولگن لیگینی بیرینچی سببی خاتین‌لرنینگ اویلرده کوز یاریشی باعث بولگلن دیگن.
عین‌حالده، یقین‌ده بغلانده قابله‌لر مرکزینی بیتیرگن قابله‌لردن خانم فاطمه حادق نینگ سوزلریگه کوره، آنه‌لر و باله‌لرنینگ حامله‌لیک زمانی‌ده حیاتدن کوز یومیش‌لری‌نینگ اصلی سببی بو قتلم‌نی حامله‌لیک زمانی‌ده کوپ مساله‌لردن خبر سیز قالیش‌لری همده اویلرده ولادت قیلیش‌لری بولگن.
خانم حادق‌گه کوره، قابله بولیش‌دن بیرینچی نیت آنه‌لر و باله‌لر اولیمی آلدینی آلیش دیر. اولر، بو ساحه‌ده جامعه‌ده خذمت قیلیش اساسی نیت‌لری ایکن‌لیگینی ایتگن‌لر.
بغلان ساغلیق‌نی سقلش اداره‌سی‌نینگ مسوول‌لری، دنیا بویلب هر ییلی 350 مینگ آنه و باله کوز یارگن‌دن سونگ حیاتدن کوز یومه‌دی. افغانستان هم دنیا بویلب بو حاللر کوپ‌دن کوپ کوزه تیله دیگن مملکت‌لر جمله‌سی‌دن
بوندن آلدین افغانستان ساغلیق‌نی سقلش وزیرلیگی بلند مرتبه‌لی رسمیلری، مملکت‌ده آنه‌لر اولیم میزانی تورت برابر پست‌گه توشگن‌لیگی‌نی ایتگن ایدی. اما بو وضعیت هنوزهم خواطرلی دیر.
شونینگ‌دیک دنیا خلق ارا ساغلیق‌نی سقلش تشکیلاتی افغانستان‌ده قابله‌لر قابلیتی‌نی آشیریش اوچون صرفلنه دیگن یاردم‌لر قیسقرتیریلگن‌لیگی‌دن خواطر بیلدیریب، دنیا جماعه چیلیگی‌دن بو توغریده مالی همکارلیک قیلیشنی سوره‌گن ایدی.
