له بغلانه سلاموطندار ته یوه سرچینه وايي چې د بغلان ولایت د علاوالدین ولسوالۍ په یوه سیمه کې طالبانو په یوې پوځي هډې او امنیتي پوستې برید کړی چې د ملياردو د ۳۸ سرتېرو ترڅنګ یې ۸ محلي پولیس وژلي دي.
د دې سرچینې په باور، طالبانو بېګا نیمه شپه بریدونه پیل کړل چې څو ساعته یې دوام لرلو. طالبانو له حتمې وروسته د ملياردو ټول وسایط له ځانه سره وړي دي.
په ورته وخت کې، د ولایتي شورا پخوانی رییس او د بغلان د سولې عالي شورا رییس اسدالله شهباز سلاموطندار سره خبرو کې دا پېښه تاییدوي او وايي، پهدې برید کې له ۴۰ ډېر نظامیان وژل شوي او طالبانو د پوځي هډې ټول تجهیزات له ځانه سره وړي دي.
په روانه اوونۍ کې په مرکزي بغلان ولسوالۍ کې په دوو امنیتي پوستو باندې د طالبانو په برید کې د ملياردو ۹ سرتېري او ۷ پولیس وژل شويدي. د دې ترڅنګ طالبانو پهدې برید کې ۳ سرتېرې له ځانه سره وړي چې تر اوسه یې برخلیک نهدی معلوم.
