بریتانیا خلق ارا رواجلنتیریش اداره‌سی نینگ اعلان قیلیشیچه، مذکور مملکت تامانیدن افغانستان گه بیریله‌دیگن 170 میلیون پوند یاردمی میلیونلرچه کیشی‌نینگ حیاتی‌نی قوتقره‌دی.
کابل بوییچه بریتانیا ایلچی‌خانه‌سی نینگ میدیالرگه یوبارگن اعلامیه‌سیده یازیلیشیچه، بریتانیا خلق ارا رواجلنتیریش اداره‌سی، بو یاردم نی افغانستان جمهور رئیسی محمداشرف غنی نینگ بریتانیاگه قیلگن سفری جریانیده اعلان قیلگن.
بریتانیا خلق ارا رواجلنتیریش اداره‌سی وزیری روری ستیوارت نینگ ایتیشیچه، بو مبلغ کیله‌جک بیش ییل اوچون سوو ییتکزیش و افغانستان باله‌لری اوچون ناگرانلیک‌نی ایملش واکسین شامل اهالی گه ییگولیک آذیق-آوقت و ساغلیک یاردملری تیارلنیش بولیم‌لریده صرفلنه‌دی.
جمهور رئیس غنی بیلن اوچره‌شگن روری ستیوارت نینگ ایتیشیچه، افغانستان جدی شکلده انسان دوست‌لیک یاردملرگه احتیاج دیر و بو مملکت‌ده دوام ایتیب کیله‌یاتگن اوروش و قورغاقچیلیک میلیونلرچه کیشی نی آچلیک‌که دوچار قیلگن و بو کیشی‌لر ساغلیک یاردملریگه هم احتیاج دیر.
اونگه کوره، بریتانیا بو وضعیت نی نظرگه آلیب سوو، ییگولیک آذیق-آوقت و باله‌لر ناگرانلیگی‌نی ایملش واکسین شامل ساغلیک خذمت‌لری خصوصیده زمینه یره‌ته‌دی.
شونینگدیک، بریتانیا خلق ارا رواجلنتیریش اداره‌سی وزیری نینگ ایتیشیچه، بو یاردم افغانستان اوچون دنیا جماعه‌چیلیگی نینگ ایسته‌گی گه اونملی بیر یادم کبی تیارلنه‌دی، بیراق اورغولشیچه، بریتانیا یالغیزلیک‌که بو بحران گه قرشی کوره‌شه آلمه‌یدی و باشقه مملکت‌لردن هم افغانستان گه بیره‌دیگن یاردملری شدتلنتیریلیشی‌نی سوره‌یدی.
اوشبو سفرده جمهور رئیس غنی، بریتانیا باش وزیری ترازمی، تشقی ایشلر و مدافعه وزیرلری بیلن هم اوچره‌شگن. بو اوچره‌شووده ایکی تامان افغانستانده ایشانچ‌لی و شفاف جمهورلیک ریاستی سیلاوی خصوصیده صحبت قیلگن.
بریتانیا باش وزیری، تینچلیک خصوصیده جمهور رئیس غنی نینگ سعی و حرکت‌لری و پاکستان باش وزیری عمران خان بیلن صحبت‌لشگنینی خوش قرشی‌لب و افغانستان گه مملکتی تامانیدن بیریله‌دیگن یاردملر دوامی خصوصیده ایشانچ بیرگن.
افغانستان جمهور رئیسی محمداشرف غنی، یکشنبه کون (26- جوزا) بریتانیا مملکتی نینگ رسمی چقیرووی بیلن دولتی بیر بلند مرتبه‌لی هیأت ییتکچیلیگی‌ده لندن کیتدی و بوگون چهارشنبه (29- جوزا) ایرته‌لب مملکت گه قیتیب کیلدی.
