بوگون «دوشنبه» وزیرلر کینگشی ییغینیده حکومت اجراییه باشلیغی عبدالله عبدالله نینگ ایتیشیچه، کابل شهریده برق کم‌لیگی باعث، هوا دغل‌لیگی کوپه‌یگن.
اجراییه باشلیغی‌نینگ کوپه‌یتیریشیچه، کابل‌ده برق مقداری کم‌لیگی باعث، کابل یشاوچیلریدن کوپینچه‌سی یاقیلغی ماده‌لردن فایده‌لنه‌دی.
عبدالله عبدالله نینگ ایتیشیچه، کابل شهری‌نینگ هوا دغل‌لیگی خاص منطقه‌لر و ساعت‌لرده کورینه‌دی؛ بیراق کون دوامیده هوا ذره‌چه‌لری جوده هم قویی دیر.
اجراییه باشلیغی‌نینگ اورغولشیچه، شهرچه‌لر کومیر تازه‌لاوچی اسکونه‌دن فایده‌لنیشی کیره‌ک و بو ایش هوا دغل‌لیگی کمه‌ییشی گه سبب بوله‌دی.
اونینگ ایتیشیچه، هوا دغل‌لیگی‌نی کمه‌یتیریش اوچون باشقه 80 میگاوات برق کابل برقی‌گه کوپه‌یتیریلیشی گه قرار قیلینگن.
باشقه تاماندن، هوا دغل‌لیگی‌گه قرشی کوره‌ش یشیل اوی قوریلمه‌سی، بوگون «هوا دغل‌لیگی و اقلیم اوزگریش» نامی‌ده بیر ییغین اوتکزدی.
اوشبو قوریلمه اعضالری و مسؤوللری، حکومت‌دن هوا دغل‌لیگی کمه‌ییشی اوچون اساسی و ایجابی بیر ایش قیلیشی‌نی سوره‌گن.
یشیل اوی اعضالریدن بیری کیهان محمدی‌نینگ ایتیشیچه، دولت صفت‌سیز تیل و یاقیلغی ماده‌لر چیت‌ایل مملکت‌لردن آلیب کیلینیشی‌گه توسیق بولیشی کیره‌ک و شونینگدیک، اهالی بو توغریده حکومت گه یاردم بیریشی کیره‌ک.
باشقه تاماندن، کابل یشاوچیلریدن بیرقطاری، نیچه کوندن بویان هوا دغل‌لیگی‌گه قرشی کوره‌ش کمپاین یولگه قویگن‌لر.
اوشبو یشاوچیلر حکومت‌دن تاش کومیر بخاری‌لری گه آغیر تعرفه تعیین قیلیب، تاش کومیر سالیغی کوپه‌یتیریلیب و هوا دغل‌لیگی آلدی آلینیشی اوچون بدیل یاقیلغی‌لردن حمایت قیلیشی‌نی سوره‌گن.
