بوگون «سه‌شنبه» کابل‌ده خبری بیر ییغین اوتکزگن برقرارلیک و یقینلیک سیلاو تیمی نینگ اعضالری، دولت قورووچی سیلاو تیمی تامانیدن کینگ شکلده ساخته‌کارلیک بولگنینی بیلدیریب و تنقید قیلیش‌لریچه، دولت قورووچی تیمی تامانیدن بولگن ساخته‌کارلیک و زوروانلیک قبول قیلینمس دیر.
افغانستان جمهور رئیسی نینگ بیرینچی اورین باسری و عبدالله عبدالله رهبرلیگی‌ده بولگن برقرارلیک و یقینلیک سیلاو تیمی نینگ ییریک بیرلشیک‌لریدن بیری جنرال عبدالرشید دوستم نینگ ایتیشیچه، سیلاو جریانیده یوز بیرگن ساخته‌کارلیک‌نی اصلی عاملی جمهور رئیس اشرف غنی دیر.
برقرارلیک و یقینلیک سیلاو تیمی نینگ بیرینچی اورین باسری عنایت الله بابر فرهمندنینگ آگاه لنتیریشیچه، سیلاو ایرکین کمیسیونی کیله سی اوچ کون گچه ساخته آوازلرنی بیکار قیلمه گن صورتده، مذکور تیم مدنی حرکت‌لرگه قول اوره‌دی.
بیراق، سیلاو ایرکین کمیسیونی نینگ سوزلاوچیلریدن بیری میرزامحمد حق‌پرست نینگ ایتیشیچه، بو کمیسیون ایرکین دیر و سیلاو جریانیده جمهورلیک ریاست سرایی اره‌لشگنی توغریسیده برقرارلیک و یقینلیک سیلاو تیمی نینگ حجتی بولگن صورتده، ارایه قیلیشی کیره‌ک.
برقرارلیک و یقینلیک سیلاو تیمی مسؤوللری نینگ بیانات‌لری توغریسیده جمهورلیک ریاست سرایی و دولت قورووچی تیمی نینگ فکرینی اورگه‌نیش اوچون نیچه مرته علاقه قوردیک، بیراق فکرلرینی اورگه‌نیش‌ده مؤفق بولمه‌دیک.
