عبداللهخان حبیبی و معصوم استانکزیلر نمایندهلرکینگشیدن 167 و 161 ایشان آواز آلیشلری بیلن ملی مدافعه و ملی امنیت ریاستی باشلیغلری حیثیده تعیین ایتیلدیلر.
کینگش نینگ بوگونکی ییغینیده 224 نماینده حاضر بولیب و قتنشگن وکیللرگه قرهتیب 113 آواز نامزدلر کامیابلیگی دیب تعیین ایتیلدی.
شونینگدیک نمایندهلر 41 رد آوزا، 15 باطل و 8 آق راینی معصوم استانکزیگه و عبداللهخان حبیبیگه 34 رد، 13 باطل و 6 آق رای بیردیلر.
بوگونکی ییغینده محمدزمان سنگری هم 132 ایشانچ آواز و 52 رد رای آلیشی بیلن ستره محکمه عضویتیگه موفق بولدی.
رای بیریش باشلنمسدن آلدین جناب استانکزی ملی امنیت ریاستیده اصلاحات کیلتیریلیشیدن خبر بیردی و بو ریاستده باریشی بیلن امنیتی وضعیت یخشی لنیشی اوچون کورهشیب فعالیت قیلیشنی معلوم قیلدی.
اونینگ کوپهیتیریشیچه، زمان اوتیشی بیلن جرایملر یوکسلیشیگه سبب بولهدی و شو سبب تکنالوژیدن امنیت تامین قیلیشیگه ایش آلماقده.
مدافعه وزیرلیگی نامزدی عبدالله حبیبی هم اوروش بولیملریده اصلاحات کیلتیریشیدن خبر بیردی و طالبلر فعالیت قیلهدیگن منطقهلرده امنیتی کوچلر کیچه تاماندن بولهجک عملیاتلرینی کوپهیتیریشیگه سوز بیردی. شونینگدیک جناب حبیبی امنیتی کوچلرگه اورگهتیش و تشکیلاتلریگه اوزگریش کیلتیریشنی بیرینچی ایشلریدن بولگنلیگینی بیلدیردی.
بوگونکی ملی مدافعه وزیرلیگی و ملی امنیت ریاستی سرپرستلریگه نمایندهلر کینگشی رای بیریشلری بیلن مملکت ایریم ولایتلری قانلی پارتلهنیشلرگه شاهد بولدی. بوگون ایرتهلب نیپال لیکلر یولاوچی موترینی کابل شهریده پارتلاوچی شخص هدف قرار بیردی و نیچه ساعت اوتیشی بیلن چهلستون منطقهسیده هم یاپیشتیرهدیگن ماین پارتلهنتیریلدی. بو ایکی حادثه آرهسیده بدخشان ولایتی کشم تومنیده هم پارتلش حادثه یوز بیردی، نتیجهده 9 کیشی هلاک و باشقه 30 دن آشه کیشی یرهلنگن.
نامزدلر ارا معصوم استانکزی حکومت بلند مرتبهلی جنجالی شخصلردن بولیب دولتی یوقاری پستلرده قولمه قول بولیب کیلماقده، اما سرپرستلیک وقتی تولمسدن بو چوکیدن باشقه چوکیگه یوباریلردی. او، اوتگن ییل سرطان آییده ملی مدافعه وزیرلیگی اوچون کینگش نمایندهلریگه معرفی بولدی؛ اما کوپلب رد آواز آلیشی بیلن مذکور پستگه یول تاپالمهدی.
