افغانستان بوییچه برشنا شرکتی نینگ باشلیغی امان‌الله غالب، برق قیمتی توغریسیده معلومات بیریشی اوچون نماینده‌لر کینگشی گه چقیریلگن ایدی.
برشنا شرکتی نینگ باشلیغی امان‌الله غالب، برق قرضدارلری نینگ رویخطی‌نی اعلان قیلیش گه قصد قیلگن بیرچاغده، اونینگ بو قراری نماینده‌لردن بیرقطاری نینگ عکس‌العمل‌لری گه دوچ کیلدی.
نماینده‌لر کینگشی اعضالریدن بیرقطاری، بو رویخط اعلان ایتیلیشی‌نی طلب قیلیشگن و عین دمده، نماینده‌لردن باشقه بیرقطاری، برق بهاسی قویی بولیشی اوچون جدی سعی و حرکت‌لر بولیشی‌نی ایسته‌گن.
نماینده‌لر کینگشی اعضاسی رمضان بشردوست نینگ ایتیشیچه، برق قرضدارلری نینگ رویخطی اعلان ایتیلیشی کیره‌ک.
بیراق، نماینده‌لر کینگشی اعضالریدن باشقه بیری فاطمه عزیزی نینگ ایتیشیچه، برشنا شرکتی قرضدارلرنینگ رویخطی‌نی فاش ایتیش اورنی گه برق بهاسی کمه‌ییشی توغریسیده چاره تدبیر کوریشی لازم.
نماینده‌لر کینگشی اعضالری نینگ آره‌سیده لفظی تارتیشمه یوز بیرگنی باعث، نماینده‌لر کینگشی ییغینی نینگ رهبرلیگی گه مسؤول بولگن نماینده‌لر کینگشی نینگ بیرینچی اورین باسری امیرخان یار، برشنا شرکتی نینگ باشلیغی امان‌الله غالب دن باشقه بیر ییغینده حاضر بولیب و قرضدار بولگن نماینده‌لرنینگ رویخطی‌نی نماینده‌لر کینگشی بیلن شریک قیلیشی‌نی طلب قیلدی.
برشنا شرکتی نینگ ایتیشیچه، نماینده‌لر و زوروانلردن بیرقطاری، نیچه ییل‌دن بویان برق پولی‌نی بیریشمه‌گن و بو موضوع برشنانی قیین‌چیلیک‌که دوچ قیلگن.
