کابلده یوز بیرگن سونگی قانلی هجوملر مملکتنینگ ایریم منطقهلریده سیاسی حزبلر و گروهلرنینگ آرهسیده ایکی دستهلیک کیلتیردی. افغانستان عالملر کینگشی و اسلامی حزب ارگدن حمایه قیلیب خبری ییغین اوتکزدیلر و اسلامی جمعیت حزبی، اسلامی جنبش حزبی و ملی نوین جبههسی اعتراضچیلردن حمایت بیلدیردیلر.
اوشبو حزبلر و سیاسی مخالفلر، یشاوچیلرنینگ ایستکلری برابریده حکومتنی عاجزلیککه عیبلیدیلر. ینگی لیکده افغانستان نمایندهلر کینگشی تامانیدن تعیین ایتیلگن 40 کیشیلیک هیأتنینگ ایتیشیچه، حکومت ادارهلرده اساسی شکلده اوزگریش و اصلاحات کیریتمهگن صورتده، اولر تیزیمنی اوزگرتیریش اوچون اساسی قانونگه قیته تیکلش لویه جرگه یولگه قوییشلری ممکن.
سیاسی ایش بیلرمانلردن بیرقطارینینگ ایتیشیچه، جاری وضعیت ملی بیرلیک حکومتینینگ ایچکی قرهمه قرشیلیکلریدن کیلیب چیققن و حکومت باشلیغلرینینگ آرهسیدهگی اویغونسیزلیک باعث، مخالف گروهلر ناراضیلیک بیرهغینی کوتریب و حکومتنی سقوط بیریش خصوصیده، سعی و حرکت قیلهدیلر.
اوشبو ایش بیلرمانلرگه کوره، حکومت باشلیغلری حاضرگی وضعیتدن چیقیش اوچون ایشگه کیریب و جاری و ضعیتنی مهار قیلیش خصوصیده، ریجه تیارلب اهالی و حزبلرنینگ قانیقتیریش اوچون عمل قیلیشی لازم.
سیاسی ایش بیلرمان عبدالکبیر رنجبرنینگ سلاموطندارگه ایتیشیچه، افغانستان حکومتی برچه تاماندن باسقین آستیده قرار تاپگن و موجود شرایطگه قرهگنده، حکومت وضعیتنی مهار قیلیش اوچون بیر ریجه تیارلب عملگه آشیریشی کیرهک.
.jpg)
سیاسی ایش بیلرمانلردن باشقه بیری انتظار خادم، حاضرگی وضعیتنی ملی بیرلیک حکومتینینگ برنامه سیزلیگی و بیفرق یاندهشگنلیگینی حاصلی بیلیب ایتیشیچه، حکومت بو قیینچیلیکنی حل قیلمهگن صورتده، سقوط قیلهدی.
عین حالده، خبرچی و سیاسی ایش بیلرمان فردوس کاوشنینگ سلاموطندارگه ایتیشیچه، ملی بیرلیک حکومت ایچکری و تشقریدن قیینچیلیککه روپهره بولگن و بو مسئله سبب حکومتگه قرشی گروهلر کوچلهنیب و حکومت سقوط قیلیشی توغریسیده سعی و حرکت قیلهدیلر.
جناب کاوشگه کوره، حکومت حاضرگی قیینچیلیکلردن چیقیش اوچون ملی بیرلیک حکومتینی تشکیل بیرگن تشکیلاتلرنینگ همکارلیگیده بیر لایحه ایجاد ایتیشی لازم.
بیراق، جمهورلیک ریاستی سوزلاوچیسی اورین باسری نجیب آزاد، جمهورلیک حکومتلرده موجود قرهمه قرشیلیکلرنی عادی بیلیب ایتیشیچه، ملی بیرلیک حکومت برچه بولیملرده 80% یوتوققه ایریشگن.
سیاسی ایش بیلرمانلرگه کوره، ملی بیرلیک حکومتنینگ مسؤوللری و رسمیلری، ایچکی قرهمه قرشیلیکلریدن وازکیچیب و افغانستاننی حاضرگی وضعیتدن چیقاریشلری کیرهک.
