ملی مدافعه وزیرلیگی بیر خبرنامه ترقه‌تیب ایتیشیچه، امنیتی کوچلر بدخشان ولایتی نینگ وردوج و نسی تومن‌لریده عملیات اویوشتیرگن کیم نتیجه‌ده، ۲۷ قوراللی طالب هلاک بولگن.
بوگون (شنبه ۲۳- حمل) ملی مدافعه وزیرلیگی تامانیدن ترقه‌تیلگن خبرنامه‌ده کیلیشیچه، مذکور عملیات‌ده تینچ‌اهالی گه ضرر ییتیشمه‌گن.
بیراق طالبان گروهی نینگ ایتیشیچه، دولتی و آمریکا کوچ‌لری تینچ‌اهالی نینگ اوی‌لرینی بمبارد قیلگن.
خبرنامه‌دن نقل قیلینیشیچه، اوشبو عملیات‌ده ۱۱ طالب وردوج و باشقه ۱۶ طالب نسی تومنی‌ده هلاک ایتیلگن.
مملکت مدافعه وزیرلیگی نینگ ایتیشیچه، بو عملیات‌ده بدخشان ولایتی بوییچه طالبان تامانیدن ناملنگن والی قاری فصیح‌الدین نینگ قرارگاهی بوتونلی تخریب بولگن.
خبرنامه نینگ ایتیشیچه، مذکور ایکی تومن‌ده ۹ طالب یره‌لنگن.
طالبان سوزلاوچیسی ذبیح‌الله مجاهد، مذکور عملیات‌ده کوپینچه تینچ‌اهالی هلاک و یره‌لنگنی نی ادعا قیلگن.
اونگه کوره، دولتی و آمریکا کوچ‌لری کمیده ۶۰ بمب نی یشش اوی‌لرنی اوستیگه آتیشگن.
طالبان اوروش بولمه‌گن منطقه‌لر دولتی و آمریکا کوچ‌لری آرقه‌لی هجوم آستیده آلینیشی نی تینچلیک کیلیشوونامه‌سی نقض ایتیلیشی دیب کوپه‌یتیریشیچه، شونینگدیک بو وضعیت دوام تاپگن صورتده، اولر هم عملیات‌لرنی قیته‌دن باشله‌یدی.
