سیلاولر جریانی مستحکم لهنیشی اوچون افغانستان مدنی ترماقلر ادارهسی (اکسین) سیلاولر ادارهسیگه اصلاحات کیلتیریش اوچون بیفرق یاندهشیش و تنلاو کمیتهسینی ایشیگه باشلهمسلگی مملکت سیاسی خوفسیزلیگی اوچون زیان ییتکزهدی دیگنلر.
اکسین ترماغینینگ اعضاسی صغرا سعادتنینگ (بوگون پنج شنبه) خبری بیر ییغین ده ایتشیچه، حکومتنینگ سیاسی رهبرلری مملکت حاضرگی وضعیتینی نظرده توتیب، سیلاولرگه اصلاحات کیریتلیشی اوچون بیرگن وعدهلریگه عمل قیلیشنی سورهگن. او، حکومتدن تنلاو کمیتهسی اعضاسی تانشیتریلیب، تیزده ایشلریگه باشلشلری بارهسیده تاکیدلهگن.
نیچه هفته آرتیده قالدیرگندن سونگ تنلاو کمیتهسی بوندن اوچ آی آلدین تشکیل ایتیلدی؛ اما، جمهور رییسنینگ تقنینی فرمانی رد ایتیلگندن کیین، اوشبو کمیتهنینگ اعضالری قانونی قیینچلیک حل ایتیلمهگن تقدیرده، ایشلریگه دوام بیرمسلیکلرینی بیلدیردیلر.
اساسی قانونگه موافق، تنلاو کمیتهسینینگ وظیفهسی، سیلاولر کمیسیونی اوچون 21 کیشی اعضا تعین ایتلیشی و 15 نفر سیلاولر شکایتلرینی تینگلش کمییسیونیگه وظیفه لنتیریش جمهور رییسلیک سرایینینگ صلاحیتی گه باغلیق. جمهور رییسلیک سرایی بولر ایچیده سیلاولر مستقل کمیسیونی اوچون ییتی کیشی و سیلاولر شکایتلرینی تینگلش کمیسیونی اوچون بیش کیشینی تنلب تانیشتیرهدی.
اکسیننینگ باشقه بیر اعضاسی روشن خیرننینگ سوزلریگه کوره، سیلاولر مستقل کمیسیونیگه اصلاحات کیریتمسدن آلدین افغانستان شفاف سیلاولر اوتکزیلیش گواهی بولمسدی. اونگه کوره، کیلگوسی سیلاولر سابق سیلاولردن کوره یامان بولیشی ممکن.
تنلاو کمیتهسی نینگ اعضاسی نعیم ایوب زادهگه کوره، سیلاولر کمیسیونلریگه اصلاحات کیریتمسدن آلدین مملکتده شفاف سیلاو اوتکزیشی امکاندن اوزاق.
بیر هفته کوتینگ
اجراییه ریاستی سوزلاووچیسی نینگ اورین باسری جاوید فیصلنینگ سلاموطندارگه ایتیشیچه، جمهور رییس غنینینگ تقنینی فرمان بیر هفتهگه قدر قیتهدن صادر بولهدی.
جناب فیصلنینگ سوزلریگه کوره، کابینهنینگ ییغینیده ملی مجلسنینگ تعطیلات ایامی اوز پایانیگه ییتگونگه قدر، جمهور رییسنینگ بو توغریدهگی فرمانی صادر بولیشی اوستیده قرار آلینگن.
مجلسنینگ نمانیدهلری جدی آیی نینگ 30- سیده بیر یریم آی اوچون قیشگی دم آلیشگه کیتگن ایدیلر.
