تشقی ایشلر وزیرلیگی سرپرستی محمدحنیف اتمر نینگ ایتیشیچه، طالبان 5 مینگ محبوسی جملهسیدن 4400 تهسی افغانستان حکومتی تامانیدن قوییب یوباریلگن.
بوگون "پنجشنبه" تشقی وزیرلیگی سرپرستی نینگ کابلده خبری بیر ییغینده ایتیشیچه، طالبان محبوسلریدن باشقه 600 تهسی نینگ جدی قیینچیلیگی بار و هیچ قانون اولرنی قوییب یوباریلیشیگه رخصت بیرمهیدی.
جناب اتمر گه کوره، افغانستان حکومتی طالبان گروهی دن اوشبو 600 محبوسنی اورنیده باشقه فهرست ارایه قیلیشینی ایستهگن.
اونینگ ایتیشیچه، بو گروه باشقه 600 اعضاسی نینگ فهرستی افغانستان دولتی اختیاریگه قویلگنیدن سونگ، قوییب یوباریلیشی ممکن.
تشقی ایشلر وزیرلیگی سرپرستی نینگ کوپهیتیریشیچه، اروپا و منطقه مملکتلریدن 12 تهسی افغانستان تینچلیک سوزلشوولریدن میزبانلیک قیلیشگه تیارگرلیک کورستگن.
آلمان، ناروی، ایران، پاکستان، روسیه، چین، ترکیه، ترکمنستان، قزاقستان، قطر، اندونیزیا و جاپان تینچلیک سوزلشوولرگه میزبانلیک قیلیشگه تیارگرلیک کورستگن مملکتلر جملهسیدن دیر.
جناب اتمر گه کوره، محبوسلرنینگ قوییب یوباریلیش جریانی یکونلنگنیدن سونگ، افغانستانلیکلر ارا سوزلشوولرنی باشلهنیشی ممکن.
