افغانستان جنوبی هلمند ولایتیدن کیلگن گزارشلرگه کوره، مذکور ولایتده کوکنار ایکینی محصولی کوکلم موسومیگه قرهگنده سیزیلرلی درجهده آشگن.
شونینگدیک، هلمند ولایتی مخدره مادهگه قرشی کورهشیش اداره رسمیلری، کوکنار ایکینی اوتکن کوکلم موسمیگه قرهگنده ایکینچی موسمده سیزیلرلی درجهده کوپیگنی و کوپینچه ایکینچیلر مذکور ولایتنینگ شمالی تومنلریده ییرلریگه کوکنار ایککنلرینی ایتکن، بیراق دولت حاضرگچه بو ییرلرنی تازهلش خصوصیده چاره تدبیر کورمهگن.
هلمند ولایتی مخدره مادهگه قرشی کورهشیش اداره باشلیغی لعلمحمد عزیزیگه کوره، دولت حاضرگچه اوشبو ولایتده کوکنار ایکینینی یوقاتیش و باشقریش خصوصیده بیللی برنامه قولگه آلمهگن.
ولایت ایکینچیلرینینگ ایتیشیچه، ایشسیزلیک باعث، مجبور بولیب ییرلریگه کوکنار ایککنلر.
مذکور موسومده کوکنار ایکیلهدیگن ییرلر دولت تامانیدن بوزیب تشلهنیشی بارهسیده اونچهلیک دقتنی آلمهگن حالده، کؤز موسومیدهگی حاصلات بهاسی بازارلرده کوتریلیب ساتیلهدی.
اوشبو ایکینچیلر حکومتنی بیرگن وعدهلریگه عمل قیلمسلیککه عیبلب ایتیشیچه، دولت تامانیدن اولرگه ایش زمینهسی یرهتیلگن صورتده، هیچ قچان کوکنار ایکمهیدیلر. اولرنینگ اورغولشیچه، ایشسیزلیک باعث، کوکنار ایکینیگه قول اورگنلر.
کوکلم موسومیده هلمند ولایتی ایکینچیلری، یوزمینگ هکتار ییردن آرتیق ییرگه کوکنار ایکهدی، بیراق مذکور ولایت مخدره مادهگه قرشی کورهشیش اداره رسمیلرینینگ ایتیشیچه، دولت بو جملهدن یالغیز 3 مینگ هکتار ییرنی کوکنار ایکینیدن تازهلگن.
افغانستانده مخدره مادهنی یوقاتیش خصوصیده میلیونلرچه دالر خرج بولگن، بیراق اوشبو مملکت حاضرگچه دنیاده اینگ کوپ مخدره ماده ایشلب چیقارهدیگن مملکت تانیلهدی.
هلمند ولایتی افغانستان جنوبیده جایلهشیب، مملکت ده 95% مخدره مادهنی اوشبو ولایت ایشلب چیقارهدی.
