ناگرانلر، شهدلرعایلهسی و تقاعد قیلگنلر بانکی سیستم آرقهلی حقوقلرینی قولگه کیرتهدی.
افغانستان ایش و اجتماعی مسالهلر بوییچه وزیری خانم نسرین اوریاخیل بوگون بیر خبری ییغین اوتکزیب، تقاعد قیلگن 37 کیشی ینگی بانکی سیستم آرقهلی حقوقلرینی قولگه کیرتیشلری ممکن لیگینی ایتگن.
اوریاخیل، مذکور سیستم آرقهلی اداری فساد و سودجویلیک آلدی آلینهدی دیگن.
اونگه کوره، بوندن آلدین مذکور وزیرلیک ناگرانلر، تقاعدقیلگنلر و شهدلر عایلهسینینگ حقوقینی تولشده ایریم مشکللر بیلن دوچار بولگن. اما، مذکور کمیسیون ایجاد ایتیلیشی بیلن اوشبو معما حل ایتیلهدی.
حاضرگی کونده 42821تقاعد قیلگن شخص نینگ نامی ینگی بانکی سیتسم گه آلینگن و37290کیشی ایسه بو سیستم آرقهلی اوز حقوقینی قولگه کیرتهدی.
خانم اوریاخیل، حاضرگی کونده 185 تقاعد قیلگن کیشی مذکور وزیرلیککه رویخطگه آلینگن لیگینی ایتگن اولردن 120 مینگی آیلیک آلهدیلر.
امنیتی قوریقچیلر کملیگی، وکالت و دلالر حضوری و نا قانونی ایش قیلیش، ایش واجتماعی ایشلر وزیرلیگینینگ قرشیسیده تورگن ییریک معما سنهلهدی.
مذکور وزیرلیکنینگ بلند مرتبهلی رسمیلری، «ینگی بانکی سیستم» لایحهسی مملکتنینگ 33 ولایتیده عملده تطبیق ایتیلگن دیگنلر.
