بدخشان ولایتینینگ جرم تومنیده امنیتی کوچلرنینگ تازهلش عملیاتی نتیجهسیده، 400 عایله بدرغه بولگن.
بدخشان ولایتی جرم تومنینینگ فرغامیور قیشلاغی یشاوچیلرینینگ ایتیشیچه، امنیتی کوچلرنینگ راکتی هجوملری کوپهیگنی باعث، مذکور قیشلاق اهالیسی اوزاق منطقهلر و قوشنی تومنلرگه بدرغه بولگنلر.
محل یشاوچیلریگه کوره، تازهلش عملیات بیرهفتهدن بویان دوام ایتیب کیلماقده و بو عملیات تیچ اهالی گه کوپلب تلفات و مالی زیان ییتکیزگن.
سلاموطندارگه صحبت بیرگن فرغامیرو قیشلاغینینگ یشاوچیسی عینالدیننینگ ایتیشیچه، طالبان گروهی گه قرشی امنیتی کوچلرنینگ هجوملری شدتلنگنی باعث، محل یشاوچیلری زیان کورگن. اونینگ ایتیشیچه، بدرغه بولگن عایلهلرنینگ وضعیتی یمان دیر.
اونینگ ایتیشیچه، عملیات باشلنگنیدن بویان 25 تینچ اهالی هلاک و یرهلنگن، 200 اوی بوزیلیب و 400 گه یقین عایله اویلریدن بدرغه بولیشگن.
مذکور قیشلاقدن بهارک تومنی گه بدرغه بولیب کیلگن عایلهلرنینگ ایتیشیچه، 7 کوندن بویان عایله اعضالرینینگ تقدیریدن خبر یوق دیر.
بیراق، بدخشان ولایتینینگ امنیه قوماندانی عبدالخالق آقساینینگ ایتیشیچه، قوراللی طالبلر تینچ اهالی اویلریدن سنگر آلیب امنیتی کوچلرنی هدف آلهدی. جناب آقسای گه کوره، قوراللی طالبلر اهالینی سپر قیلیب امنیتی کوچلرنینگ تازهلش عملیاتی گه توسیق بولهدی. اونینگ ایتیشیچه، آتیشمهلر اهالی بدرغه بولیشیگه سبب بولگن.
بدخشان امنیتی رسمیلرینینگ ایتیشیچه، جرم تومنینینگ قولدن کیتگن منطقهلرینی قیتهدن نظارت گه آلیش اوچون تازهلش عملیات بیر هفته آلدین باشلنگن و منطقه بوتونلهی تازهلنگونگهقدر دوام ایتهدی.
