ایچکی ایشلر وزیرلیگی نینگ ییریک اورین باسری خوشحال سعادت، اوتگن کون «دوشنبه» بغلان پولیس قومندانلیگی اوستیگه اویوشتیریلگن هجوم قندهیلیگی نی تیکشیریش اوچون مذکور ولایت گه سفر قیلگن ایدی. جناب سادات پولیس قومندانلیگی بِناسینی کوریب چیققنیدن سونگ، بغلان پولیس قومندانی اللهداد فدایی و خوفسیزلیک آمری محمدزمان عیارنی وظیفهلریدن چیکلنتیرگن.
بغلان پولیس سوزلاوچیسی احمد جاوید بشارت نینگ ایتیشیچه، ایچکی ایشلر وزیرلیگی نینگ ییریک اورین باسری، نیازمحمد نیازمندنینگ پولیس قومندانی صفتیده و نقیبالله یوسفی نینگ خوفسیزلیک آمری صفتیده تانیشتیرگن.
بغلان ولایتی گه سفر قیلگن ایچکی ایشلر وزیرلیگی ییریک اورین باسری نینگ ایتیشیچه، بو وزیرلیک پولیس قومندانلیگی اوستیگه اویوشتیریلگن هجوم قندهیلیگی توغریسیده تیرگاو باشلهگن و بو توغریده بیفرق یاندهشگنلر قانون اساسیده جزالنهدی.
بغلان ولایت کینگشی باشلیغی محمدصفدر محسنی، مذکور ولایت نینگ سابق پولیس قومندانی و خوفسیزلیک آمرینی بیفرق یاندهشیش گه عیبلب ایتیشیچه، بو کیشیلر ظرفیتسیزلیکلری باعث، وظیفهلریدن چیکلنتیریلگن.
ایتیش کیرهک کیم، اوتگن «یکشنبه» کون توش چاغی، 8 هجومچی بغلان پولیس قومندانلیگی اوستیگه هجوم قیلیب و امنیتی کوچلر بیلن کمیده 7 ساعت اوروشگن.
بو واقعه ده دولتی کوچلردن 21 تهسی هلاک ایتیلگن و باشقه تینچ اهالی شامل 60 دن آرتیق کیشی یرهلنگن.
شو توغریده…
بغلان والیسی: قومندانلیکده اویوشتیریلگن هجوم «آی،اس،آی» تامانیدن ریجهلنگن
