بدخشان ولایت رسمی‌لری‌نینگ بیلدیریشیچه، وردوج تومنیده‌گی امنیتی کوچلردن اونلرچه‌سی طالبلرگه قوشیلیب کیتگن.
بدخشان پولیس امنیت آمری سخی دادخان نینگ ایتیشیچه، یوللر یاپیقلیگی و هوا بوزوغلیگی سبب وردوج‌ده قمراوگه آلینگن عسکرلرگه یاردم بیره آلمه‌گن‌لیکلری اوچون بو امنیتی کوچلر طالبلرگه قوشیلیشگه تن آلگن.
بدخشان پولیس امنیت آمریگه کوره، بو عسکرلردن کوپیسی قاچیشگه موفق بولگن و حاضرگچه بولرنی نیمه بولگنلیگی‌دن انیق معلومات قولده یوق.
بیراق ولایت پولیس باشلیغی جنرال بابه جانگه کوره، امنیتی کوچلردن 107 کیشی طالب‌لربیلن قویشیلیب کیتگن. بابه جان‌نینگ کوپه‌یتیریشیچه، وردوج تومنی و طالب‌لر ارا تشقی جنگری‌لرهم موجود.
انه شو حالده بدخشان ولایتی کینگش باشلیغی عبدالله ناجی نظری‌نینگ سلام‌وطندار بیلن تیلفونی سوزله‌شیب ایتیشیچه، بو طالبلرگه قوشیلگن عسکرلرسانی 180 کیشیگه ییته‌دی و بولرنینگ اوزلری قوشیلگن‌لیگی ایتیله‌دی.
بدخشان ولایتی کینگش باشلیغی‌گه کوره، بوعسکرلر اوتگن کون قیش قورونده پوسته لرینی ترک ایتیب وردوج تومنی‌نینگ تیلگران منطقه‌سیده‌گی طالبلرگه قوشیلگن.
اما وردوج تومنی‌نینگ باشلیغی دولت‌محمد خاورنینگ بیلدیریشیچه، مذکورعسکرلر سانی 125 کیشیگه ییترکن.
اونگه کوره بو عسکرلردن 8 ته‌سی هلاک بولگن و بولردن کوپیسی هم یوقالیب کیتگن.
وردوج تومنی‌نینگ باشلیغی طالبلرگه قوشیلگن عسکرلر چیگره‌وی پولیس، امنیتی کوچلر، عامه نظملاوچیلر و محلی پولیس کوچلریدن ایکن‌لیگینی کوپه‌یتیره‌دی.
جناب خاورنینگ بیلدیریشیچه، بوقوشیلیب کیتگن عسکرلر کافی قورال اسلحه بیلن جهازلنگن ایکنلر، اما طالب‌لربیلن معامله گه اولتیریب یوللرینی اوزگرگن.
وردوج تومنی بدخشان ولایتی‌نینگ ناتینچ محله‌لریدن سنله‌دی و هردایم بوتومنده‌گی امنیتی کوچلر طالب‌لر تامانیدن آغیر یینگه‌یشلر بیلن روپه‌ره بولگن‌لر.
