سیلاولر ایرکین کمیسیونلرینی مسووللرینینگ ایتیشیچه، سیلاولر ایرکین کمیسیونی و سیلاولر شکایتلرینی تینگلش کمیسیونینینگ کیلشوو اساسیگه، بایومتریک بولمهگن و آواز بیرووچیلرنینگ رویخطیگه ماس کیلمهگن آوازلر باطل اعلان ایتیلهدی.
بوگون "سهشنبه" سیلاولر شکایتلرینی تینگلش کمیسیونینینگ سوزلاوچیسی علیرضا روحانینینگ ایتیشیچه، صندوقلر، آواز بیریش مرکزلر و محللرنینگ آوازلری، آواز بیرووچیلرنینگ رسمی رویخطی بیلن ماس کیلمهگن صورتده، باطل اعلان ایتیلهدی.
سیلاولر ایرکین کمیسیونلرینینگ مسووللریگه کوره، سیلاولر ایرکین کمیسیونینینگ ایشلاوچیلری و مدیرلری و یا-ده نامزدلرنینگ غفلتی و ناتوغری حرکتی اعتبارلی حجت اساسیگه اثبات ایتیلگن صورتده، قانونگه کوره، اولر عدلی و قضایی ارگانلرگه تانیتیلهدی.
بوندن آلدین ترقهلگن قطار گزارشلرگه کوره، بیرقطار نامزد وکیللر و نظارتچیلر، آواز بیریش مرکزلردن بیرقطاریده بایومتریک سیستمهسی ایش بیرمهگنی دن تنقید قیلگن ایدیلر.
