بوگون (11- میزان پنجشنبه کونی) پاکستان تشقی ایشلر وزیرلیگی نینگ اعلام قیلیشیچه، قطرده طالبان سیاسی دفتری باشلیغی ملا عبدالغنی برادر رهبرلیگیده 12 کیشیلیک طالبان هیأتی مذکور مملکت تشقی ایشلر وزیری شاهمحمود قریشی بیلن اسلامآباد ده اوچرهشگن.
پاکستان تشقی ایشلر وزیرلیگی نینگ ایتیشیچه، مذکور اوچرهشوو آمریکا و طالبان آرهسیدهگی سوزلشوولر قیتهدن باشلهنیشی گه زمینه یرهتیشی ممکن.
شونینگدیک طالبان هیأتی اوتگن آی جریانیده روسیه و ایران باریب و مذکور مملکتلر رسمیلری بیلن اوچرهشدی.
عینحالده افغانستان تینچلیگی بوییچه آمریکا خاص نمایندهسی زلمی خلیلزاد (9- میزان سهشنبه کونی) اسلامآباد بارگن، بیراق حاضرگچه رسمی منبعلر اونینگ طالبان و پاکستان رسمیلری بیلن اوچرهشگنی توغریسیده هیچ بیر نرسه دیمهگن.
شو توغریده:
- طالبان: جمورلیک ریاستی سیلاویدن سونگ، تینچلیک سوزلشوولرده تیارمیز
تینچلیک خصوصیده بولگن سعی و حرکتلر حکومت تامانیدن توختهتیلگن
تینچلیک سوزلشوولری ترامپ تامانیدن لغو ایتیلدی
افغانستان تینچلیگی بوییچه آمریکا خاص نمایندهسی، قطر باشکنتی دوحهده کمیده 10 آی جریانیده 9 مرته طالبان نمایندهلری بیلن صحبت اوتکزدی.
سوزلشوولرنینگ 9- دوریده آمریکا و طالبان آرهسیده کیلیشوونامه نهایی بولدی. بیراق (جاری ییل 17- سنبله) آمریکا جمهوررئیسی دونالد ترامپ طالبلرنینگ کابلدهگی هجومیده بیر آمریکالیک عسکر هلاک ایتیلگنیدن کیین تینچلیک سوزلشووینی لغو قیلدی.
مذکور سوزلشوولر توختهتیلگنیدن کیین شونینگدیک افغانستان حکومتی تینچلیک خصوصیدهگی سعی و حرکتی نی توختتدی.
