.jpg)
سیلاولر ایرکین کمیسیونی مسؤوللری‌نینگ ایتیشیچه، 33 ولایتده بایومتریک اسکونه‌لری آرقه‌لی توپلنگن آوازلر کابل گه انتقال بیریلگن و بوندن سونگ، عمومی سرورگه کیریتیله‌دی. بایومتریک اسکونه‌لریدن عمومی سرورگه معلومات‌نی انتقال بیریش جریانی بوگون رسمی شکلده باشلندی.
بوگون کابل‌ده خبری بیر ییغینده نطق سوزله‌گن سیلاولر ایرکین کمیسیونی باشلیغی گلاجان عبدالبدیع صیادنینگ ایتیشیچه، بو کمیسیون آز مدتده بایومتریک سیستمی‌دن فایده‌لندی و شو یوزه‌دن بو سیلاو قیین‌چیلیک‌لرگه دوچ کیلدی.
جناب صیادگه کوره، سیلاولر ایرکین کمیسیونی ایشانچ‌لی آوازلرنی ایشانچ‌سیزلردن اجره‌تیش اوچون ایریم لایحه‌لرنی قولگه آلگن و آوازلرنی تیکشیریش ایشی دوام ایتماقده.
سیلاولر ایرکین کمیسیونی باشلیغی‌نینگ کوپه‌یتیریشیچه، عمومی سرورگه معلومات‌نی انتقال بیریش جریانی یکونلنگنیدن سونگ، بایومتریک سیستمی‌دن فایده‌لنیب آواز بیرگن‌لرنینگ رقمی و آواز بیرووچی‌لرنینگ رویخطی معلوم بوله‌دی.
.jpg)
عین حالده، نظارتچی‌لردن بیرقطاری، شفاف‌سیزلیک‌دن شکایت قیله‌دیلر. مدنی فعال نصرالله نینگ ایتیشیچه، بایومتریک سیستمی آرقه‌لی معلومات توپلش جریانی قولابکارلیک‌دن اوزاق بولگن صورتده، اولرگه بو جریاندن نظارت قیلیش‌گه رخصت بیریلیشی کیره‌ک.
سیلاولر ایرکین کمیسیونی رسمی‌لری تامانیدن بیریلگن معلومات اساسیده، ولایت‌لرده اوتکزیلگن نماینده‌لر کینگشی سیلاوی‌نینگ دستلبکی نتیجه‌سی 2- قوس‌ده و کابل 8 کون کیچیکتیریلیب 10- قوس‌ده اعلان ایتیلیشی ممکن.
