.jpg)
افغانستان موسیقه انستیتوتی و باله‌لرنی حمایت قیله‌دیگن موسسه مملکت مکتب باله‌لری اوچون «ترانه‌لر» کتابی‌نی باسیب نشر قیلدی.
مذکور کتاب‌گه افغانستانلیک شاعرلر جمله‌دن علم‌گل سحر، سمیع حامد، نورگل شفق، شفیقه‌یارقین و باشقه‌لرنینگ شعرلری سیغدیریلگن.
اوشبو شعرلر افغانستان موسیقه انستیتوتی آرقه‌لی قوشیق قیلیب یازیلگن. افغانستان موسیقه انستیتوتی‌نینگ باشلیغی احمدناصر سرمست، باله‌لر ترانه‌لر کتابی مملکت باله‌لریگه ایجابی بیر پیام بیره‌دی دیدی.
مملکت بیرینچی عیالی بولمیش خانم لورا غنی، مذکور کتاب‌نی تانیشتیریش مناسبتی بیلن آلینگن ییغین‌ده قیلگن نطق سوزیده، بو قبیل کتابلر باسیلیشی افغانستانده مدنیت اوچون کتّه کومک قیله‌دی دیگن.
باله‌لر حمایتی بیلن مشغول موسسه‌نینگ باشلیغی دیوید سکندر، باله‌لر ترانه‌لر کتابی تینچلیک، یره‌ش، شهروندلیک حقوقی و تعلیم اوچون اساسی بیر الهام بوله‌دی دییه تاکید ایتگن.
افغانستان موسیقه انستیتوتی‌نینگ مسووللری، هنوزگچه مذکور کتابلردن 6مینگ جلد مملکت بویلب ترقه‌تیلگن دیگنلر.
شونینگدیک اوشبو کتابلر مملکت‌نینگ اوزاق منطقه‌لریگه ییتکزیلیشی اوچون سعی وحرکت بار دیگن جناب سرمست.
