د بادغیس ولایتي شورا رییس عبدالعزیز بیک سلاموطندار ته وویل، نن سهار امنیتي ځواکونو د افغان یا غوڅ ملاتړ هوايي ځواک په ملتیا د کلاینو ښار په ۲۰ کیلومترۍ کې د سنګ زرد په سیمه کې عملیات کړي دي.
د ښاغلي بیک په خبره، په دغو عملیاتو کې الوتکو په اشتباهي توګه د پولیسو یوه پوسته ویشتلې ده چې پایله کې یې ۸ محلي پولیس وژل شوي دي. نوموړی وايي، تراوسه معلومه نه ده چې دا برید د افغان هوايي ځواک او که د غوڅ ملاتړ لهخوا شوی دی.
په دې اړه د هېواد په لوېدیځ کې د ۶۰۶ انصار زون قوماندان جمعهخان عدیل سلاموطندار سره په خبرو کې د پېښې په تایید وویل، د عملیاتو پرمهال محلي پولیس په شخصي کالیو کې له پوستې راوتي او د هوايي ځواک له لوري په نښه شوي دي.
ښاغلی عدیل وايي، د پېښې څېړلو لهپاره پلاوی ټاکل شوی دی ترڅو معلومه شي عملیات د چا لهخوا شوي دي.
