په بادغیس ولایت کې طالبانو د رایه ورکوونکیو نوملیکنې پر یو مرکز برید کړی دی.
د بادغیس ولایتي شورا رییس عبدالعزیز بیک سلاموطندار ته وویل، برید د ولایت مرکز کلاینوی ښار یوې څنډه کې د لامان په نوم سیمه کې د رایه ورکوونکیو نوملیکنې پر یو مرکز شوی دی.
عبدالعزیز بیک وايي، په پېښه کې د ملی اردو ۸ تنه سرتېري وژل شوي دي او ۳ تنه ټپیان شوي دی او یو تن تریتم شوی دی.
د بادغیس د والي مرستیال فیضمحمد میرزاده پېښه تاییدوي او وايي، تراوسه د مرګژوبلې په اړه کره معلومات نه لري.
د دې ولایت د امنیې قوماندانۍ ویاند احسانالله داوري وايي، د پېښې تلفاتو په اړه کره معلومات ترلاسه شوي نه دي. خو وايي، طالبانو بېګا د شپې ۱۱ بجې برید پیل کړی و او تر ۱:۴۰ پورې دوام وکړ.
طالبانو تراوسه په دې اړه څه نه دي ویلي.
