ایچکی ایشلر وزیرلیگی سوزلاوچیسی نصرت رحیمی اوشبو خبرنی تصدیقلب رسانه‌لرگه ایتیشیچه، بوگون (پنج‌شنبه 2- عقرب) ساعت 12:45 اطرافیده بادغیس پولیس قومندانی شریف‌الله چمتو کابل شهری نینگ 5- خوفسیزلیک حوزه‌سیگه تیگیشلی ادۀ غزنی منطقه‌سیده ترور ایتیلگن.
اونگه کوره، جناب چمتو تعطیل اوچون کابل کیلگن ایکن.
ایتیلیشیچه، مذکور هجوم‌ده جناب چمتونینگ بیر قوروچیسی یره‌لنگن.
حادثه مسئولیتی نی طالبان گروهی بوینیگه آلگن.
ایچکی ایشلر وزیرلیگی نینگ ایتیشیچه، امنیتی کوچلر تیزلیکده «مذکور ترورچیلیک هجوم انتقامی نی دشمن‌دن آله‌دی.»
شریف‌الله چمتو کمیده 5 آی آلدین ایچکی ایشلر وزیرلیگی تامانیدن بادغیس پولیس قومندانی صفتیده تعیین ایتیلگن ایدی.
او بو مدت‌ده طالبلرنینگ آب‌کمری و مذکور ولایت باشقه قطار تومنلریده نابود ایتیش گه موفق بولگن ایدی.
شو توغریده:
