افغانستان ایکینچی‌لیک، سوولنتیریش و چارواچی‌لیک وزیری اسدالله ضمیر، مذکور وزیرلیک نینگ 8 مهم بولیم دن عبارت یوزکونلیک برنامه‌سینی اعلان قیلدی.
بو برنامه سوو ییتکزیش، بوغدای، اورمان‌لر، اوقت مصؤنیتی، اساسی اصلاحات، مالدارلیک، قاره مال‌لر ساغلیگی و خصوصی بولیم لرنی اوز ایچیگه آله‌دی.
جناب ضمیر مذکور وزیرلیک یوزکونلیک برنامه‌سینی بیان ایتیش‌دن مقصد، ایکینچی‌لیک وزیرلیگی‌گه اساسی اوزگریش کیلتیریش اوچون سعی وحرکت آلیب باریش دیگن.
مملکت‌نینگ 5 زونی‌ده 13 سوو ییتکزیش ترماغلی قوریب بیریله دی. شونینگ‌دیک وزیر باشقه اوچ سوولنتیریش ترماغی کابل، ننگرهار و بلخ ولایت‌لریده قوریلیشی‌نی بیلدیرگن.
جناب ضمیرگه کوره، کیله‌جک یوز کونگچه 15 ولایتده 3500 ینگی باغ توزه‌تیله‌دی.
عین حالده جناب ضمیر، ایکینچی‌لر محصولاتی سقله‌نیش اوچون افغانستان‌نینگ 6 ولایتیده 6 موزخانه تاسیس ایتیله‌دی دیگن.
شونینگ‌دیک ایکینچی‌لر ایشی‌گه قولی‌لیک کیلتیریش خصوصیده، کابل، بلخ، ننگرهار، هرات و کندز ولایت‌لریده 200 سوو ییتکزیب بیریش حوز قوریله‌دی.
ایکینچی‌لیک وزیری‌نینگ کوپیتیریشیچه، مملکت بویلب ایکینچی‌لرگه تعلیمات بیریش اوچون 115 مکتب ایجاد ایتیله دی
و ایکینچی‌لرنینگ ایشلری یخشی صورت‌ده آلغه باریشی خصوصیده هر بیر ایکینچی‌گه 500 الی 2000 دالر قرض بیریله‌دی.
مملکت ایکینچی‌لیک وزیری‌نینگ کوپیتیریشیچه، افغانستان اوزوم محصولاتی یخشی‌له‌نیشی اوچون 7 ولایتده 130 اوزوم تاک باغی ایجاد ایتیله دی
عین حالده، اقتصادی ایش بیلرمانلرنینگ ایتیشیچه، افغانستان ترقیات بودجه‌سی آز بولگنی سبب وزیرلیک یوز کونلیک لایحه‌لرینی عمل‌گه آشیریش‌لری ممکن ایمس.
کابل بیلیم یورتی اقتصاد فاکولته‌سی نینگ استادلریدن بیری سیف الدین سیحون‌گه کوره،
یوزکونلیک برنامه عمل‌گه آشیریلیشی‌دن آلدین دغدغه‌سی عاموی اخبارات واسطه‌لرینی آله‌دی.میدیایی بولیب کیته دی.
او، افغانستان زراعت وزیرلیگیده قیلینه‌دیگن ایشلر کوپ، اما حکومت‌ده ییترلی بودجه بولمه‌گنی ییریک بو یولده ییریک معما سنله‌دی.
جمهور رییس غنی تامانیدن بیریلگن فرمان گه کوره، مملکت نینگ برچه وزیرلیک‌لری یوزکونلیک برنامه‌لرینی میدیالر آرقه‌لی خلق حضوریده بیان ایته‌دی.
