سلام‌وطندار اجتماعی گزارشلری تیزیمی‌ده، دولت و نادولت اداره‌لریده جنسی زوره‌وانلیک‌که قربان بولگن قطار کیشی‌لر بیلن صحبت اوتکزگن. اوشبو صحبت‌لر توپله‌می بیر خاص لایحه‌گه جایلشتیریلگن. صحبت اوتکزگن‌لرنینگ برچه‌سی‌نینگ آتی مستعار دیر؛ بیراق حکایه‌لر حقیقی.
شکیبا: صورتچی‌لیک صنعتی‌گه یخشی علاقه‌م بولگنی باعث، بیر فنی صورتچی‌گه مراجعت قیلدیم و اوندن مین‌گه فنی صورتچی‌لیک‌نی اورگه‌تیشی‌نی سوره‌دیم. نیچه کون اوتگنی‌دن کیین، استاذیم مین‌گه قونغیراق قیلیب بیر فنی اورگه‌تووچی مرکز آچیش‌گه قرار قیلگنینی ایتدی. او مین‌دن فنی اورگه‌تووچی‌گه کیلیب پول سیز تعلیم آلیشیم‌نی سوره‌دی. مین‌دن نیمه اوچون پول آلمه‌یسیز دیب سوره‌سم؟ جوابیم‌گه مین سینی یخشی کوره‌من، سین بیلن جنسی علاقه باغلش‌نی ایسته‌یمن؛ بیراق سین بیلن تورموش قوره آلمه‌یمن، چونکه خانیم و فرزندیم بار دیدی. یالغیز سیوگیلیم بولگین. بو گپلری‌نی ایشیتگنیم‌دن کیین حالیم خراب بولیب تلیفونی‌نی کیسدیم. اوندن کیین، ایرکک‌لرگه بولگن نفرتیم نیچه برابر بولدی. انچه مدتگچه برچه دوست‌لریم‌دن اوزاقله‌شیب علاقه‌م‌نی کیسدیم.
صدف: شهریم‌ده تینچ یورگن ایدیم، دوست‌لریم‌دن بیری کابل‌دن قونغیراق قیلیب، باشکینت کابل‌ده اوزی ایشله‌یدیگن دفترده بیر بست بوشلیگی‌نی ایتدی. مین هم کابل کیلدیم. رویخطگه آلیش باسقیچی، سیناو و صحبتیم‌نی اوتکزگنیم‌دن کیین، نتیجه‌سی نیچه کوندن سونگ معلوم بولیشینی ایتدی. ایکی و اوچ کوندن کیین، اوشه دوستم قونغیراق قیلیب مهمان بولیشیم‌نی ایسته‌دی. دیمک بو تکلیف مین‌گه عجب کورینردی، بهانه قیلیب ایسته‌گینی رد قیلدیم. بیراق نیچه کوندن کیین، قیته‌دن قونغیراق قیلیب و بو مرته اَچیقله‌نیب مهمان بولیشیم‌نی بیلدیردی. مین هم یوقاری سیس بیلن ایش اوچون قدر و قیمتیم‌دن اوتمه‌سیم‌نی بیلدیردیم. اوشه کون ایرته‌سی قونغیراق قیلیب، ینه دفتر بارمه‌سیم‌نی ایتدی. اوندن کیین خبر بولدیم‌که دفترده‌گی‌لرگه صدف ایش‌دن وازکیچدی دیگن ایکن. اوشبو واقعه‌دن کیین، ولایتیم‌گه قیتیب و ایش‌سیزلیک‌که دوام بیردیم.
مینا: بیلیم یورت اوقیمه‌گنیم سبب، بیر عیال ساتووچی نیازی بولگن کته بیر دوکان‌ده ایشلش‌گه قرار قیلدیم. دوکان‌گه باریب کیرگنیم‌دن، دوکان ایگه‌سی اویلی و یکه بولگنیم‌نی سوره‌دی، مین هم یکه من دیدیم. دوام بیریب یخشی آیلیک بیره‌من یالغیز مین بیلن علاقه باغله و مینی خرسند سقله دیدی. بو گپی‌نی ایشیتگنیم‌دن کیین، تیتره‌ب و عیال بولگنیم‌دن نفرت‌لندیم. دوکان‌دن تشقری چیقیب، یولده اوزیم‌نی سوکردیم.
