سلام‌وطندارنینگ قولگه کیریتگن هجت‌لریگه کوره، کوه البرز ساختمانی شرکتی افغانستان ایشچی‌لر ملی اتحادیه‌سی (امکا) نینگ 10 میلیون دالرنی تالان قیلگن.
1389- ییلی کوه البرز شرکتی و ایشچی‌لر ملی اتحادیه‌سی ارا بولگن کیلیشوو اساسیده، مذکور شرکت 10 هکتار ییرده 4 بلاک یشش بنالر توزه‌تیش قرار قیلینگن ایکن. اما سلام‌وطندارگه ییتیب کیلگن هجت‌لرگه کوره و امکا ایشلاوچی‌لری ادعاسیگه قره‌تیب، شرکت 95 تعمیر توزه‌تیش وعده سینی بیریب، اخیرده 50 ساختمان مذکور اتحادیه اختیاریگه قویلگن و باشقه تعمیرلرنی توزه‌تیب بیریشدن چیکینگن.
امکا ایشلاوچی‌لری و کوه البرز شرکتی ارا قویلگن قرارده، یشش بنالر اتحادیه ایشلاوچی‌لری تامانیدن بیریلگن پول اساسیده توزه‌تیلیشی لازم. لیکن ایشچی‌لر اتحادیه‌سی باشلیغی معروف قادری‌نینگ ایتیشیچه، اتحادیه گه تیگیشلی تعمیرلردن 45 ته‌سینی بو شرکت باشقه‌لرگه ساتگن.
بو شوپیتده بوله‌دی کیم، ایشچی‌لر اتحادیه‌سیگه تاپشیریله‌جک تعمیرلردن هم انیق خبر یوق. ایشچی‌لر ملی اتحادیه‌سی ایشلاوچی‌لری‌نینگ سلام‌وطندار بیلن قیلگن صحبت‌ده ایتیشلریچه، اولر بلاکلری اوچون آلدیندن پول هم توله‌گنلر، شونده‌ی بولسه هم کوه البرز شرکتی تامانیدن اویلری باشقه‌لرگه ساتیلگن.
اتحادیه ایشلاوچی‌لری‌نینگ ایتیشیچه، بو شرکت یشش بنالرینی نیچه کیشی‌گه ساتگن‌لر و معامله قیلگن.
ایشچی‌لر ملی اتحادیه‌سی باشلیغی‌نینگ ایتیشیچه، شونینگ‌دیک کوه البرز شرکتی بولر ییریده ایکی غیر قانونی بلاک توزه‌تیشگه اولگورگن و بو شرکت گه کوره، مذکور بلاکلر امکا دفتری سابق باشلیغی ستار پردلی و کوه البرز سابق باشلیغی توریالی ناملی شخصلر ارا آغزه‌کی کیلیشووی اساسیده توزه‌تیلگن.
جناب قادریگه کوره، امکا و کوه البرز سابق باشلیغ‌لری‌نینگ شرطنامه‌سیگه قره‌گنده، مذکور کیلیشووگه اساسله‌نیب، بو ساختمانلردن 60 فایزی که ایکی بلاک بولردی اتحادیه اعضالریگه تاپشیریلیشی لازم دیب قید ایتیلگن ایکن، بو هم بولمه‌گن.
جناب قادری‌نینگ ایتیشیچه، حتی بیرییلدن بویان اوزی‌نینگ اولتیریش بناسی هم محمد علم اوغلی دگروال محمد داوود ناملی شخص تامانیدن غصب ایتیلگن.
قادری‌نینگ کوپه‌یتیریشیچه، داوود اسم‌لی شخص اوزینی جمهور رییس غنی گه یقین کیشی‌لر دن دیب قورال کوچیدن فایده‌لنیب اونینگ اوی و ییرلرینی هم غصب قیلگن.
ایشچی‌لر ملی اتحادیه‌سی نینگ مسؤوللریگه کوره، امکا پولیدن 10 میلیون دالر کوه البرز شرکتی تامانیدن ایریم شیوه‌لرده تالان – تاراج بولگن.
اولکه مدافعه وزیرلیگی نینگ هم ایشچی‌لر ملی اتحادیه‌سیدن 2 میلیارد افغانی بیرگیسی بار. ایشچی‌لر اتحادیه‌سی باشلیغی‌نینگ ایتیشیچه، 12 ییل اول 7 جریب ییرنی ملی مدافعه وزیرلیگی کرایه آلگن؛ اما بو وزیرلیک شونچه ییل مابینیده کرایه‌سینی هم بیرمه‌گن.
سلام‌وطندار کوه البرز شرکتی‌دن بو باره‌ده معلومات آلماقچی بولیب کوپلب حرکت قیلدی؛ لیکن شرکت مسؤوللری سوزگه چیقیش‌گه حاضر بولمه‌دی.
