پروان ولایتی نینگ نماینده لر مجلسی ده گی وکیلی خانیم ذکیه سنگین نینگ ایتیشیچه، کوچی لر مذکور ولایت ده معین بیر ییرنی اوتلاق اوچون تارتیب آلیب، سونگ تورت تامانی نی دیوار بیلن قمره آلگن لر. شونینگ دیک مذکور کوچی لر اوشبو محل ده قاره ماللر اوچون میعن جایلرنی آلیب، کون ساین اوتیشی بیلن باشقه ییرلرنی هم آلیش گه باشله گن لر. کوچلرنینگ اوشبو حرکتی ایریم ناراضی لیک لر اینیقسه منطقه اهالی سی اورته سیده لفظی تارتیشولرگه هم باعث بولگنی ایتیله دی.
خانیم ذکیه، مذکور ییرلر صنعتی شهرچه لر قوریش، مکتب، ساغلیق نی سقلش، بیلیم یورت و همه سی اینگ مهم تورر بناسی بولمه گن پروان لیک لرگه ترقه تیب بیریلیشی نظرده توتیلگن لیگی نی ایتگن. سنگین، کوچی لر دستلب پروان نینگ یوز باشی و قلعه سیمای منطقه لریده وقتیچه لیک یشش دن سوز بیرگن لر، اما سوز لریده تورمی باریک آب منطقه سیده هم ییرله شیش گه حرکت قیلگن لرینی معلوم قیلگن. مذکور کوچی لر قاره ماللریگه اوتلاق ییر تاپیش اوچون نیچه مرته لب پروان ولایتی دن پنجشیر و کاپیسا ولایت لریگه اوتگن لر. ولایت نینگ ملی مجلس ده گی وکیلی خانم ذکیه سنگین، کوچلرنینگ بو ولایت دن اوتیب قیتیش لری بوندن 70 ییل آلدین گه باریب تقیلیشی نی ایگن. لیکن، بیرینچی مرته بو لر اوشبو ولایت نینگ مذکور منطقه سی ده ییرلشیش گه حرکت قیلگنلر. بو توغری ده خواطر بیلدیرگن خانیم ذکیه، کوچلر اوشبو منطقه ده ییرله شیب آلیشی بیلن کیم لیک آلیش اوچون اوزلرینی قبله نینگ رهبر تنیشتیرگن لر.
عین حالده، کوچلر بوندن نیچه ییل آلدین هم اوشبو ولایت ده کیم لیک آلیش اوچون حرکت قیلگن لر، بیراق اولرنینگ بو حرکتی دولت مسووللری تامانی دن رد قیلینگن. ولایت والی سی نینگ سوزلاوچی سی وحید صدیقی نینگ سلام وطندارگه ایتیشیچه، کوچی لرنینگ بو ییرده یشش لری ناقونی دیر. سوزلاوچی بو توغری ده ولایت مسووللری جدی یانده شیش لرینی وعده بیرگن. صدیقی گه کوره، 30 گه یقین عایله ینگی کابل دیب اتلووچی منطقه ده ییرلشیب آلگن لر. ولایت رسمی لری، کوچلر مذکور منطقه ده ناقانونی شکل ده مینگلب ییش بنا قورگن تقدیرده هم، بوزیب تشله نیشی باره سیده تاکیدله گن لر. صدیقی، مذکور کوچلر پراون نینگ ییرلیک یشاوچی لری بولگن حالده، اساسی قانون گه موافق کیم لیک ترقه تیلیشی نی ایتگن. اما، پروان یشاوچی لری بولمه گن لیک لری اثبات لنگن تقدیرده، اولرنینگ ایستک لری رد قیلینیشی نی بیلدیرگن. ولایت والی سی، منطقه اهالی سی نینگ سوزلاوچی سی بیلن کوچلر اورته سی ده لفظی تارتیشوو لر یوز بیرگن لیگی نی تصدیق له گن.
شونینگ دیک پروان ولایتی نینگ اهالی سی، کوچلرنینگ بو منطقه ده ییرله یشی آرتیده سیاسی مساله بولگن لیگی نی تیلگه آلگن لر. ایتیلیشیچه، اوشبو کوچلرگه دولت تامانی دن کیم لیک ترقه تیب بیریلگن دن سونگ اهالی بیلن بو لر اوره سی ده توقنشوو یوز بیریشی امکان دن اوزاق ایمس.
